ట్యాబ్లెట్ తో ఇంటర్నెట్ ఫ్రీ!

Posted: 07/19/2014 11:55 AM IST

ప్రస్తుత ఎన్డీయే ప్రభుత్వం కొన్ని తెలివైన నిర్ణయాలను తీసుకుంటున్నట్టు కనిపిస్తోంది. కేంద్రాన్ని చేజిక్కించుకున్న ఎన్డీయే.. తమ ప్రస్థానాన్ని జీవితకాలం వరకు కొనసాగించుకోవాలనే నేపథ్యంతో ముందుకు దూసుకుపోతున్నట్టు కనిపిస్తోంది. ఇప్పుడు తాజాగా యువకుల్ని తమవైపుకు ఆకర్షించుకోవడం కోసం కొన్ని ప్రత్యేక ప్రణాళికలతో కూడిన పథకాలను ప్రవేశపెట్టబోతోంది.

అలాగే భారత ప్రభుత్వానికి ఆకాశ్ ట్యాబ్లెట్లను సరఫరా చేస్తున్న డేటావిండ్ సంస్థ సరికొత్త మార్కెటింగ్ టెక్నిక్స్ తో దేశీయ మార్కెట్లో తన స్థానాన్ని పదిలం చేసుకోవడానికి ప్రయత్నాలు చేస్తోంది.ఈ నేపథ్యంలోనే ఈ డేటావిండ్ సంస్థ వినియోగదార్లకు ఒక స్పెషల్ ఆపర్ ను ప్రకటించింది. తమ సంస్థ అమ్ముతున్న యుబిస్లెట్ ట్యాబ్లెట్ పీసీలతోపాటు ఒక సంవత్సరాలకాలం వరకు ఇంటర్నెట్ ను ఫ్రీగా వాడుకోవచ్చంటూ ప్రకటనలను విడుదల చేసింది.

దీనినే అదునుగా భావించిన భారత ప్రభుత్వం కూడా ఈ సంస్థతో ఒప్పందం కుదుర్చుకోవడానికి ఒప్పేసుకుంది. యూబీస్లెట్ 7సీజెడ్, 3జీ7 మోడళ్ల విక్రయంపై ఉచిత ఇంటర్నెట్ ఆఫర్ కల్పించేందుకు ప్రభుత్వ రంగం సంస్థ బీఎస్ఎన్ఎల్ తో డేటావిండ్ సంస్థ ఒప్పందం కుదుర్చుకుంది. అలాగే దక్షిణాదికి చెందిన మొబైల్ రిటైల్ స్టోర్ ‘‘యూనివర్సల్’’ ద్వారా వారు విడుదల చేస్తున్న తాజా ఉత్పత్తులను అమ్ముతున్నట్టు డేటావింగ్ స్పష్టం చేసింది. దీంతో యువకులు ఇకనుంచి పండగ చేసుకోవచ్చన్నమాట!

AS