కేజ్రీవాల్ కు మెంటల్ చెకప్ చేయాలట!

Posted: 07/16/2014 03:55 PM IST

Bjp leaders controversial comments on arvind kejriwal

ఢిల్లీ మాజీ ముఖ్యమంత్రి, ఆమ్ ఆద్మీ పార్టీ అధినేత కేజ్రీవాల్ ఈమధ్య కాలంలో పిచ్చివాడిలాగా బిహేవ్ చేస్తున్నాడని చాలామంది రాజకీయ నాయకులు తమ నోటికొచ్చినట్టు తిట్టిపారేశారు. అనవసరంగా ప్రజలను మభ్యపెట్టి, వారిని మోసం చేశాడని... పార్టీ అధికారంలోకి వచ్చినప్పుడు జనాలకు ఇచ్చిన మాటలను నిలబెట్టుకోకుండా నరేంద్రమోడీతో అనవసరంగా గొడవలకు దిగాడని ఈయన మీద విరుచుకుపడుతున్నారు. ఢిల్లీ నగరవాసులు కూడా కేజ్రీవాల్ కు పూర్తి వ్యతిరేకంగా మారిపోయారు.

తన మీద వస్తున్న వ్యతిరేక భావాన్ని తుడుచుకోవడానికి కేజ్రీవాల్ కూడా చాలానే ప్రయత్నిస్తున్నాడు. ఆయనకు ఏం చేయాలో దిక్కుతోచగా మళ్లీ నగరవీధుల్లో ధర్నాలు, ప్రచారాలు చేయడం మొదలు పెట్టేశాడు. మరోసారి తనకు సీఎం పదవి దక్కేలా చేస్తే గతంలోలాగా కాకుండా... ప్రజలకు ఇచ్చిన హామీలను పూర్తి చేసి, తనని తాను నిరూపించుకుంటానంటూ చెప్పుకుంటున్నారు. ‘‘ఆమ్ ఆద్మీ పార్టీ పెట్టింది నాకోసం కాదు.. సామాన్య ప్రజలకోసం.. మీకోసం’’ అంటూ నినాదాలు చేసుకుంటూ గల్లీగల్లీల్లో తిరుగుతున్నాడు కేజ్రీవాల్! ఇంతటితో ఊరుకోకుండా... ప్రస్తుతం అధికారంలో వున్న బీజేపీ పార్టీ మీద విమర్శలు చేయడం ప్రారంభించాడు.

ఈ నేపథ్యంలో కేజ్రీవాల్.. ‘‘ఢిల్లీలో సర్కారు ఏర్పాటు చేసేందుకు బీజేపీ పార్టీ అడ్డదారులు తొక్కుతోందని’’ ఆయన ఒక ఆడియో సందేశాన్ని వెలువరించారు. అలాగే ఢిల్లీలో గద్దెనెక్కేందుకు బీజేపీ పార్టీ ఒక్కొక్క ఎమ్మెల్యేకి దాదాపు రూ.20 కోట్ల వరకు ఆశచూపుతోందని ఆరోపించారు. బీజేపీ పార్టీ ఇంకొన్నాళ్లవరకు అధికారంలో కొనసాగితే సామాన్య మానవులకు తీరని అన్యాయం జరుగుతుందని... ఢిల్లీలో బీజేపీ పార్టీ సర్కారు ఏర్పాటు చేయనివ్వకుండా ప్రజలు అడ్డుకోవాలని ఆయన సందేశాలు జారీ చేశాడు.

అయితే ఈయన వ్యవహరిస్తున్న ఈ తీరుపై బీజేపీ పార్టీ ఆగ్రహం వ్యక్తం చేసింది. కొంతమంది బీజేపీ పార్టీ నాయకులు ఆయన మీద వ్యంగ్యంగా విమర్శలు చేయడం ప్రారంభించారు. ‘‘ఆమ్ ఆద్మీ పార్టీ అధినేత కేజ్రీవాల్ కు మతిభ్రమించిందని, ఆయన ఒకసారి మెంటల్ చెకప్ చేయించుకుంటే చాలా మంచిదని’’ బీజేపీ పార్టీ కామెంట్లు చేస్తోంది. ఢిల్లీ అధికారం చేజారిపోయినప్పటి నుంచి కేజ్రీవాల్ మెంటల్ వాడిలాగా ప్రవర్తిస్తున్నాడని... అతని గురించి అంతగా పట్టించుకోవాల్సిన పని లేదని చెప్పిన బీజేపీ... వెంటనే అతను మెంటల్ హాస్పిటల్ లో జాయిన్ త్వరలోనే కోలుకుంటాడని కామెంట్లు చేస్తూ నవ్వుకుంటున్నారని సమాచారం!