తోపులాట -ఉద్రిక్తత!

Posted: 07/15/2014 09:06 AM IST

Students agitation at anantapur collector office for fees reimbursement

ఫీజు రీయింబర్స్ మెంట్ తక్షణమే చెల్లించాలని డిమాండ్ చేస్తూ ఎస్ఎఫ్ఐ ఆధ్వర్యంలో విద్యార్థులు చేపట్టిన ఆందోళన ఉద్రిక్తతలకు దారి తీసింది. విద్యార్థులకు, పోలీసులకు మధ్య తోపులాట చేసుకుంది. ఎస్ఎఫ్ఐ ఆధ్వర్యంలో విద్యార్థులు అనంతపురం కలెక్టరేట్ కార్యాలయాన్ని ముట్టడించారు. ముట్టడికి యత్నించిన విద్యార్థులను పోలీసులు అడ్డుకోవడంతో తోపులాట చోటుచేసుకుంది.

పోలీసులు అడ్డుకోవాలని ఎంత ప్రయత్నించినా విద్యార్థులు కలెక్టరేట్ గేటు ఎక్కి నిరసన తెలిపారు. పరిస్థితి ఉద్రిక్తం కావడంతో ఆందోళన చేస్తున్న విద్యార్థి సంఘాల నాయకులను పోలీసులు అరెస్టు చేసి స్టేషన్‌కు తరలించారు. రాష్ట్ర ప్రభుత్వం ఫీజు రీయింబర్స్ మెంట్ పథకానికి తూట్లు పొడుస్తోందని విద్యార్థి సంఘాల నాయకులు విమర్శించారు.