ఎలక్ట్రానిక్స్ ధరలు తగ్గితే.. పొగరాయుళ్లకు చిల్లు!

Posted: 07/10/2014 03:05 PM IST

(Image source from: Budget Boosts Fall in Steel Mobile and TV Prices hikes in Cigerettes Gutkas)

కేంద్రమంత్రి అరుణ్ జైట్లీ గురువారంనాడు లోక్ సభలో కేంద్ర బడ్జెట్ ను ప్రవేశ పెట్టిన సంగతి తెలిసిందే! ఇందులో ఎన్నో ప్రధాన అంశాల గురించి ప్రస్తావించిన ఆయన... కొన్ని వస్తువుల ధరలు తగ్గిస్తున్నట్టు పేర్కొన్నారు. ముఖ్యంగా అందులో ఎల్ సీడీ-ఎల్ఈడీ టీవీలు, మొబైల్ ఫోన్లు, కంప్యూటర్లు వంటి ఎలక్ట్రానిక్ పరికరాలతోపాటు సబ్బులు, వజ్రాలు, విలువైన రాళ్లు, సిమెంటు తదితర వస్తువుల ధరలు చాలావరకు తగ్గనున్నట్లు ఆయన స్పష్టం చేశారు. వీటికి సంబంధించిన మరికొన్ని వివరాలు...

1. 19 అంగుళాల టీవీలను తయారుచేసే స్వదేశీ సంస్థలకు (Made In India TV's) పన్ను రాయితీ

2. విద్యుదుత్పత్తి, పంపిణీ సంస్థలకు పదిసంవత్సరాలవరకు పన్ను మినహాయింపు

3. కంప్యూటర్లు, మొబైల్ ఫోన్లు, ఇంకా ఇతరత్ర ఎలక్ట్రానిక్ వస్తువులతోపాటు సబ్బులు, సిమెంటు, ఇనుము వంటి వస్తువులపై ధరలు తగ్గే అవకాశాలు చాలావరకు వున్నాయి.

4. సున్నపురాయి, డోలమైట్ లపై పన్ను రాయితీ

5. కెమికల్స్, పెట్రో కెమెకల్స్ ఉత్పత్తులపై పన్ను రాయితీ

6. పాదరక్షలపై 12 నుంచి 6 శాతం వరకు ఎక్సైజ్ పన్ను పతనం

7. స్టెయిన్ లెస్ స్టీల్ పై దిగుమతి సుంకం తగ్గింప

8. గాలి మరల విద్యుత్ కు పన్ను ప్రోత్సాహకాలు

ఇదిలా వుండగా... మరోవైపు కొన్ని వస్తువులపై ధరలను అమాంతంగా పెంచి పారేశారు. సిగరెట్లు, గుట్కాలు, పాన్ పరాగ్ ల ధరలను కేంద్రం అమాంతంగా పెంచిపారేసింది. ఇందులో ముఖ్యంగా సిగరెట్ల మీద 12 నుంచి 16 శాతం వరకు పన్నును పెంచేసింది. వీటికి సంబంధించిన మరికొన్ని వివరాలు...

1. పొగాకు ఉత్పత్తులపై ఎక్సైజ్ సుంకం 12 నుంచి 16 శాతం వరకు పన్ను పెంపు

2. బాక్సైట్ ఎగుమతిపై 10 నుంచి 20 శాతానికి పన్ను పెంపు

3. మ్యూచువల్ ఫండ్స్ బదలాయింపులపై పన్ను పెంపు

4. రేడియో టాక్సీలపై సేవాపన్ను విధించడం

5. శీతల పానీయాలు, పాన్ మసాలాల ధరలు పెంపు