రేణుకాచౌదరికి కామ్రేడ్ సింబల్ దెబ్బ!

Posted: 07/05/2014 08:35 AM IST

Cpi leaders attacked to renuka chowdary land

కేంద్ర మాజీ మంత్రి, రాజ్యసభ సభ్యురాలు రేణుకాచౌదరికి ఎర్రజెండాలు దెబ్బ తాకింది. దీంతో రేణుకాచౌదరి పరిస్థితి ఆందోళన కరంగా ఉంది. ఒక పక్క కారు దెబ్బ, మరోపక్క ఎర్ర జెండాల దెబ్బతో.. రేణుకా చౌదరికి పరిస్థితి మరీ దారుణంగా మారిపోయింది. అసలు విషయం ఏమిటంటే..? ఖమ్మం జిల్లా పాల్వంచలోని కేటీపీఎస్ జెన్‌కోకాలనీ పక్కన రేణుకాచౌదరి కుటుంబీకులకు ఆక్సీకో కంపెనీ పేరుతో సుమారు 27 ఏండ్ల కిందట అప్పటి ఆంధ్రప్రదేశ్ పరిశ్రమలు, మౌలికవసతుల కల్పన సంస్థ భూమి కేటాయించింది. ఈ భూమిలో ఇప్పటి వరకు ఎలాంటి పరిశ్రమలు నెలకొల్పలేదు.

రేణుకాచౌదరి భూమి జాతీయ రహదారి పక్కన ఉండటంతో ఈ భూమికి డిమాండ్ నానాటికీ పెరుగుతోంది. ఈ క్రమంలో సీపీఎం నాయకులు, కార్యకర్తల ఆధ్వర్యంలో సుమారు వెయ్యిమంది నిరుపేదలు ఈ భూమిని పంచి ఇళ్లస్థలాలుగా ఇవ్వాలని డిమాండ్ చేస్తూ జెండాలు పాతారు.

ఈ వ్యవహారంపై పూర్తినివేదిక తయారుచేసి కలెక్టర్‌కు పంపిస్తామని అధికారులు హామీఇచ్చారు. గతంలో కూడా రెండుసార్లు ఈ భూమిలో సీపీఎం ఆధ్వర్యంలో పేదలు జెండాలు పాతగా అధికారులు తొలగించారు. ఈ విషయం తెలుసుకున్న పోలీసులు, రెవెన్యూ అధికారులు వారిని అడ్డుకొనే సాహసం చేయలేకపోయారు.