చచ్చినోడు బతికొచ్చాడురా బాబోయ్!

Posted: 07/04/2014 06:39 PM IST

(Image source from: dead man come back to life in cremeation center)

చెన్నైలో భవనం కూలిన జరిగి మూడు రోజులయ్యింది. ఈ ప్రమాదంలో మన ఆంధ్రరాష్ట్రానికి చెందిన కూలీలు వున్న విషయం తెలిసిందే! ఆ విషాద సంఘటనలో దాదాపు 61మంది చనిపోయినట్లు చెన్నై అధికారులు తెలుపుతున్నారు. ఇంకా ఆ భవనంలో ఎంతమంది కూరుకుపోయారోనన్న విషయం ఇప్పుడే చెప్పలేమని... ఒకవేళ అందులో వుంటే బతికే అవకాశం లేదని వారు పేర్కొంటున్నారు. అందులో నుంచి వెలికి తీసిన మృతదేహాలను స్వస్థలాలకు పంపేందుకు అధికారులు తవ్వకాలు జరుపుతున్నారు.

ఈ తవ్వకాల నేపథ్యంలో బయటికి తీసిన ఒడిశాకు చెందిన ప్రకాష్ అనే వ్యక్తి కూలిపోయినట్లు గుర్తించిన పోలీసు అధికారులు అతని మృతదేహాన్ని స్వస్థలానికి పంపి, కుటుంబ సభ్యులకు అప్పగించారు. జీవనోపాధికోసం వెళ్లి... శవమై తేలి వచ్చాడని విషాదంలో మునిగిపోయిన అతని కుటుంబసభ్యులు... అంత్యక్రియల కోసం అన్ని సిద్ధం చేసి వుంచారు. అతడికి తీసుకుని వెళ్లడానికి సిద్ధమవ్వగా అంతలోనే వారికి చెన్నై పోలీసు అధికారుల నుంచి ఫోన్ వచ్చింది. ‘‘మీ ప్రకాష్ బ్రతికే వున్నాడు’’ అని వారు చెప్పగానే... వారి సంతోషానికి అవధులు లేకుండా పోయింది.

శిథిలాల క్రిందపడి ప్రాణాలను అరచేతిలో పెట్టుకుని బిక్కుబిక్కమంటున్న ప్రకాష్ ను పోలీసు అధికారులు గుర్తించి, అతడ్ని రక్షించారు. వెంటనే అతను తన కుటుంబసభ్యులకు ఫోన్ చేసి, నేను క్షేమంగానే వున్నాను అంటూ సమాచారం అందించాడు. అయితే ప్రకాష్ స్థానంలో వేరొక శవాన్ని ఒడిశాకు పంపించిన పోలీసు అధికారులు... తిరిగి దానిని చెన్నైకు తరలించనున్నారు. ఆ శవం ఎవరిదో అనే గుర్తించేందుకు చర్యలు చేపట్టారు.