రైల్వే బడ్జెట్ లో నయ మేకప్ !

Posted: 07/04/2014 08:14 AM IST

Rail budget to focus on passenger amenities

మోడీ సర్కారు నయ మేకప్ తో రైల్వే బడ్జెట్ తీసుకుస్తున్నారు. ఇప్పటి వరకూ ఎవరు రైల్వే మంత్రులైనా వారి రాష్ట్రాలకే కొత్త ప్రాజెక్టులు, కొత్త రైళ్లు కేటాయించుకున్నారు. దీంతో ఎవరికి వారు తమకు అన్యాయం జరిగిందని చెప్పుకుంటున్నారు. ఇక కొత్త ప్రభుత్వంపై అన్ని రాష్ట్రాల ప్రజలు మంచి ఆశ ఉన్నారు. ఇప్పటికే సౌకర్యాల కోసమే రైల్వే ఛార్జీలు పెంచామని కేంద్ర ప్రభుత్వం ప్రకటించింది. దీంతో వచ్చే వారంలో ప్రవేశపెట్టే రైల్వే బడ్జెట్ పై అందరి దృష్టి నెలకొంది. ఈ ఏడాది వచ్చే రైల్వే బడ్జెట్ అందరికీ న్యాయం చేసేలా ఉండేలా కేంద్ర ప్రభుత్వం కసరత్తులు చేస్తోంది.

దీంతో పాటు ప్రయాణికులకు అన్ని సౌకర్యాలు కల్పించేలా కూడా ప్రభుత్వం చర్యలు తీసుకోనుంది. దీని కోసం రైల్వే కోచ్ ల డిజైన్ మార్చనుంది. కోచ్ లను క్లీన్ చేయడానికి కొత్త టెక్నాలజీ వాడాలని కూడా అధికారులు నిర్ణయించారు. ప్యాసింజర్లకు కంఫర్ట్ జర్నీ అందించేందుకు ప్రయాత్నాలు చేస్తోంది రైల్వే శాఖ. ఇక కొత్త టెక్నాలజీతో తయారు చేయడానికి ఒక్కో ఏసీ బోగీకి రూ.25లక్షలు, నాన్ ఏసీ బోగీకి రూ.23లక్షల ఖర్చు కానుంది.

కొత్తగా తయారు చేస్తున్న అనుభూతి కోచ్ ను ఫస్ట్ ఛండీగడ్ శతాబ్ధి ఎక్స్ ప్రెస్ కు లింక్ చేయనున్నారు. త్వరలోనే వీటిని మిగతా ట్రైన్ లకు విస్తరించనున్నారు. రైల్వే మంత్రి సదానంద గౌడ్ ప్రయాణికులకు సేఫ్టీ, సెక్యూరిటీ ప్రయాణం కల్పించేలా చర్యలు ఉండాలని ఇప్పటికే అధికారులకు ఆదేశాలు జారీ చేశారు. మొత్తానికి జులై 8న ప్రవేశపెట్టే బడ్జెట్ లో ఏ మాత్రం సౌకర్యాలు ప్రజలకు అందుతాయో తెలియాలంటే అప్పటి వరకూ వెయిట్ చేయాల్సిందే.