కేసీఆర్ దెబ్బ... ఏపీఎన్జీఓలు అబ్బా...

Posted: 07/03/2014 08:10 PM IST

తెలంగాణ రాష్ట్ర ఏర్పాటు కావడం, కేసీఆర్ ముఖ్యమంత్రి కావడం చకచకా జరిగిపోయాయి. తెలంగాణ ముఖ్యమంత్రిగా తనదైన స్టైల్లో ఆంధ్రప్రదేశ్ పై రివేంజ్ తీర్చుకుంటున్న కేసీఆర్ ఇప్పుడు ఏపీ ఉద్యోగుల పై భారీ దెబ్బేశాడు. ముఖ్యమంత్రిగా బాధ్యతలు చేపట్టిన నెల రోజుల వ్యవధిలోనే కఠిన నిర్ణయాలు తీసుకుంటూ... అయ్యప్ప సొసైటీ, గురుకుల్ ట్రస్ట్ భూముల్ని వెనక్కు తీసుకున్న ఆయన ఇప్పుడు ఎపీ ఎన్జీవోలకు ఎప్పుకోడ కేటాయించిన 189 ఎకరాలను తెలంగాణ ప్రభుత్వం ఇప్పుడువెనక్కు తీసుకుంది.

హైదరాబాద్ లోని శేరిలింగం పల్లి మండలంలో గోపన్నపల్లి వద్ద సెక్రటేరియట్ ఉద్యోగులకు ఈ భూముల్ని దాదాపు పదేళ్ళ క్రితంమే అప్పటి ప్రభుత్వం కేటాయించినా, కొన్ని అభ్యంతరాల కారణంగా ఇప్పటి వరకు ఆ భూములకు కేటాయింపులు జరగలేదు. తెలంగాణ రాష్ట్ర ఏర్పాటు తరువాత ఇప్పటి ప్రభుత్వం ఆ భూమిల్ని వెనక్కు తీసుకుంటూ ఏపీ ఎన్జీఓలకు లేఖ రాస్తూ ప్రభుత్వానికి అధికారులు విన్నవించారు. ఈ నిర్ణయంతో ఏపీ ఎన్జీఓల కడుపు పై కొట్టినట్లు అయింది.

ఇదిలా వుంటే, ఈ భూముల్లో కొంతమేరకు సుప్రీం కోర్టు వివాదంలోవున్నట్లు తెలుస్తోంది. దీనిపై తెలంగాణ డిప్యూటీ సీఎం మాట్లాడుతూ... ఆంధ్రప్రదేశ్ ఎన్జీవోల భూముల వ్యవహారం అధికారులే చూసుకుంటున్నారని మహమూద్ అలీ స్పష్టం చేశారు. భూముల వ్యవహారంలో చట్టప్రకారమే నడుచుకుంటామని తెలిపారు.