నగరంలో హర్షకుమార్ విహెచ్ లకు చేదు అనుభవం

Posted: 06/28/2014 03:17 PM IST

తూర్పు గోదావరి జిల్లా మామిడి కుదురు మండలం నగరం లో గాస్ పేలి మృతి చెందిన ఘటనా స్థలాన్ని సందర్శించి బాధితులను పరామర్శించటానికి వెళ్ళిన కాంగ్రెస్ నాయకులు వి హనుమంతరావు, హర్షకుమార్ లకు అక్కడ చేదు అనుభవం ఎదురైంది.  

విహెచ్, హర్షకుమార్ లను అడ్డుకుని గో బ్యాక్ అంటూ నినాదాలు చేసారు ఆందోళనకారులు.  సందర్భాన్ని పరిశీలించిన పోలీసులు పరిస్థితిని అదుపులోకి తీసుకునివచ్చారు.  

ఈరోజు ప్రమాదం జరిగిన స్థలానికి ఆంధ్రప్రదేశ్ ముఖ్యమంత్రి చంద్రబాబు నాయుడు, హిందుపురం ఎమ్మెల్యే నందమూరి బాలకృష్ణ వేరు వేరు సమయాలలో వెళ్ళి బాధితులను పరామర్శించారు. బాధ్యులను కఠినంగా శిక్షిస్తామని చంద్రబాబు అన్నారు.  హోం మంత్రి చినరాజప్ప దీని మీద ఇంకా కేసు నమోదు కాలేదని, ఉన్నత స్థాయి విచారణ జరిపిస్తామని,  బాధ్యులను వదిలిపెట్టేది లేదని అన్నారు.  విచారణ పూర్తయిన తర్వాతనే గ్యాస్ పునరుద్ధరణ జరుగుతుందని కూడా చెప్పటం జరిగింది.

-శ్రీజ