తెరాసలో అడుగుకి తెరదించిన దానం!

Posted: 06/27/2014 03:57 PM IST

కెసిఆర్ ఆకర్ష కార్యక్రమంలో భాగంగా గెలిచిన నాయకులనే కాకుండా ఓడినవారిలో కూడా గట్టివారిని తమ పార్టీలోకి తీసుకోవటం కోసం చేసిన ప్రయత్నంలో ఖైరతా బాద్ నుంచి కాంగ్రెస్ తరఫున పోటీచేసి ఓడిన దానం నాగేందర్ దగ్గరకు కూడా కెసిఆర్ ప్రతిపాదనలు వెళ్ళాయని తెలిసింది.  అందుకు ఆయన కూడ అధికార పార్టీలోకి మారటానికి సిద్ధపడ్డట్టుగా కూడా వార్తలు వస్తున్న సందర్భంలో దానం వాటిని ఖండించారు.

ఎటువంటి పరిస్థితిలోనూ తాను కాంగ్రెస్ పార్టీని వీడేది లేదని, తాను మరో పార్టీలో చేరబోతున్నానన్నది కేవలం నిరాధారామైన వార్తే నని దానం అన్నారు.

2014 సార్వత్రిక ఎన్నికలలో వీచిన కాంగ్రెస్ పార్టీకి వ్యతిరేక పవనాలలో దానం నాగేందర్ తోపాటు ఎందరో పవర్ ఫుల్ నాయకులు ఓటమిని చవిచూసారు.  అంత మాత్రం చేత పార్టీని విడిచేది లేదని, వచ్చే ఎన్నికల వరకు పార్టీని బలోపేతం చేసి అధికారంలోకి తీసుకునివచ్చే ప్రయత్నం చేస్తామని దానం ఆత్మవిశ్వాసంతో చెప్పారు.  

-శ్రీజ