నేను కసితో ఉన్నాను! మరీ మీరు?

Posted: 06/24/2014 04:49 PM IST

నాలో కావాల్సినంద కసి ఉంది.. మీలో ఉందా? అయితే ముందుకు పదండి? పట్టుదలతో, కసితో కలిసి పని చేసుకుందా అని ఆంప్రదేశ్ ముఖ్యమంత్రి నారా చంద్రబాబు నాయుడు రాజకీయ నేతలకు పిలుపునిచ్చారు. ఎన్నికల్లో ఇచ్చిన ప్రతి హామీని నెరవేరుస్తానని అన్నారు. అన్ని రంగాలకు రుణాలు ఇస్తాం, అన్ని రంగాలను అభివృద్ధి చేస్తామని తెలిపారు. కసితో, పట్టుదలగా పని చేస్తానని ఆయన స్పష్టం చేశారు. సమాజంలో ఆర్థిక అసమానతలు తగ్గించి అందరినీ ఏకతాటిపై చూడాలన్నది తన జీవితాశయమని చంద్రబాబు తెలిపారు.

ఆంధ్రప్రదేశ్ లో వ్యవసాయాన్ని లాభసాటిగా తయారు చేస్తానని బాబు హామీ ఇచ్చారు. ఉపాధి హామీని వ్యవసాయానికి అనుసంధానం చేస్తానని వెల్లడించటం జరిగింది. కాపులను బీసీల్లో చేర్చి రిజర్వేన్లు కల్పిస్తామని భరోసా ఇవ్వటం జరిగింది అంతేకాకుండా ప్రజలు తనపై పెట్టుకున్న నమ్మకాన్ని నెరవేరుస్తానని అసెంబ్లీ సాక్షిగా చెప్పటం జరిగింది. ఇలా ప్రతి పనికి అడ్డుతగులుతూ, విద్వేషాలు రెచ్చగొడుతున్న ప్రతివారు అవాక్కయ్యేలా రాష్ట్రాన్ని తీర్చిదిద్దుతానని చంద్రబాబు కసితో సీమాంద్ర ప్రజలకు మాట ఇవ్వటం జరిగింది.

అంతేకాకుండా ఆంద్రప్రదేశ్ లో బ్రహ్మాండమైన పోర్టులు, వనరులు ఉన్నాయని ప్రతిదానిని వినియోగించుకుంటామని బాబు స్పష్టం చేశారు. తన వద్ద ఆంధ్రప్రదేశ్ అభివృద్ధి గురించి ఓ ఊహా చిత్రం ఉందని... దానిని నిజం చేసి చూపిస్తానని ఆంద్రప్రదేశ్ ముఖ్యమంత్రి నారా చంద్రబాబు నాయుడు తెలిపారు. బాబు ఊహాలు నిజం కావాలంటే.. ప్రతి ఒక్కరు కసితో పని చేయాలని సూచించారు. సీమాంద్ర సింగపూర్ ఎప్పుడు అవుతుంధోనని ప్రజలు ఆశగా ఎదురుచూస్తున్నారు.