రజినీ,కమల్,మణిరత్నం ఆప్తుడ్ని కోల్పోయారు

Posted: 06/23/2014 04:28 PM IST

తెలుగు చిత్ర పరిశ్రమ నట దిగ్గజాల్ని కోల్పోతూ దు:ఖ సాగరంలో మునిగి తేలుతుంటే ఇప్పడు తమిళ చిత్ర పరిశ్రమ కూడా దు:ఖంలో కూరుకుపోయింది. తమిళ ప్రముఖ, ప్రఖ్యాత సినీ దర్శకుడు అయిన రాంనారాయణ (65) తిరిగిరాని లోకాలకు వెళ్ళిపోయాడు. తమిళ చలన చిత్ర పరిశ్రమలో వందకు పైగా చిత్రాలకు దర్శకత్వం వహించిన ఏకైక దర్శకుడు రాంనారాయణ గత కొంత కాలంగా కిడ్ని సమస్యతో బాధ పడుతున్నాడు.

చికిత్స కోసం సింగపూర్ వెళ్లిన ఆయన అక్కడే మృతి చెందారు. తెలుగు, త‌మిళ‌, క‌న్నడ‌, బోజ్‌పురి, మ‌రాఠీ, గుజ‌రాతీ ఇలా దాదాపుగా 9 భాష‌ల్లో 125 చిత్రాల‌కు పైగా ద‌ర్శక‌త్వం వ‌హించారు. తెలుగులో చిలిపి యవ్వనం, నాగబాల, మావారికి పెళ్లి,  కారా మజాకా చిత్రాల‌కు దర్శకత్వం వహించిన ఆయన తెలుగు ఆకాల ప్రేక్షకులకు కూడా సుపరిచితమే. చిరంజీవి నటించిన ‘పున్నమి నాగు ’ చిత్రానికి రచయితగా కూడా పనిచేశాడు.

రజనీకాంత్, కమల్ హాసన్, ఇళయరాజా, మ‌ణిర‌త్నంల‌కు రాం నారాయ‌ణ ఆప్త మిత్రుడు. రాంనారాయ‌ణ మృతికి త‌మిళ సిని ప్రముఖులు సంతాపం వ్యక్తం చేశారు. రేపు అనగా మంగ‌ళ‌వారం చెన్నైలో ఆయ‌న అంత్యక్రియ‌లు జ‌రుగ‌నుట్లు ఆయన కుటుంబ సభ్యులు తెలిపారు. ఈయన మరణంతో తమిళ చిత్ర సీమ దిగ్భాంతికి లోనైయ్యింది.