మావోయిస్టులతో చర్చలకు మేం సిద్దం

Posted: 06/22/2014 10:42 AM IST

ఆంధ్రప్రదేశ్ ముఖ్యమంత్రి చంద్రబాబు నాయుడు ప్రమాణ స్వీకారం రోజున ఆయన ఆయనతో పాటు మంత్రులుగా ప్రమాణ స్వీకారం చేసిన పలువురు మంత్రులు నేటి ఉదయం సచివాలయంలో బాధ్యతలు స్వీకరించారు. ఆంధ్రప్రదేశ్ ఉప ముఖ్యమంత్రి, హోంశాఖ మంత్రిగా నిమ్మకాయల చిన రాజప్ప తన ఛాంపబర్ లో బాధ్యతలు స్వీకరించారు.

దేవాదాయ శాఖ మంత్రిగా మాణిక్యాలరావు, మహిళా సంక్షేమ, గనుల శాఖ మంత్రిగా పీతల సుజాత, పంచాయితీ రాజ్, గ్రామీణ నీటి సరఫరా శాఖ మంత్రిగా చింతకాయల అయ్యన్న పాత్రుడు, గ్రామీమాభివృద్ది, గృహ నిర్మాణ శాఖ మంత్రిగా మృణాళిని , రోడ్లు, భవనాలు శాఖ మంత్రిగా మంత్రి శిద్దా రాఘవరావు తమ తమ బాధ్యత్ని స్వీకరించారు. ఏపీ హోం మంత్రిగా బాధ్యతలు స్వీకరించిన అనంతరం మీడియాతో మాట్లాడిన చిన రాజప్ప మావోయిస్టులతో చర్చలకు సిద్దంగా ఉన్నామని, మావోయిస్టులు జనజీవన స్రవంతిలోకి రావాలని ఆయన కోరారు.

మహిళల రక్షణకు ప్రత్యేక సెల్ ఏర్పాటు చేస్తున్నట్లు చెప్పారు. అందుకు సంబంధించిన ఫైల్పై చినరాజప్ప సంతకం చేశారు.రాష్ట్రంలో మహిళలపై జరుగుతున్న అఘాయిత్యాలను పూర్తిగా అరికడతామని అన్నారు. శేషాచల అడవుల్లో యథేచ్చగా సాగుతున్న స్మగ్లింగ్ను కట్టడి చేయడమే కాకుండా స్మగ్లర్లను పూర్తిగా నిర్మూలిస్తామని రాజప్ప తెలిపారు.

Knr