టీవీ9 రవిప్రకాశ్ పై కేసు పెట్టండి: కోర్టు

Posted: 06/19/2014 08:39 AM IST

నాలుగు రోజులు నుండి తెలంగాణ ప్రభుత్వం , టివీ9 మీడియా ఛానల్స్ పై కఠిన చర్యలు తీసుకున్న విషయం తెలిసిందే. తెలంగాణ లో టీవీ9 ప్రసారాలను పూర్తిగా నిలిపి వేయటం జరిగింది. టీవీ9 ప్రసారం చేసిన కార్యక్రమం తెలంగాణ రాజకీయ నేతలను, వారి బాషను, యాసను కించపరిచే విధంగా ఉన్నందుకు .. తెలంగాణ ప్రభుత్వం చర్యలు తీసుకుంది. దీంతో టీవీ9 కార్యక్రమాలు తెలంగాణలో పూర్తిగా బంద్ అయ్యాయి.

అయితే ఈరోజు టీవీ-9 యజమాని రవిప్రకాశ్ పై కేసు నమోదు చేయండని మెట్రోపాలిటిన్ మేజిస్ట్రేట్ ఆదేశాలు ఇవ్వటం జరిగింది. టీవీ-9 యజమాని రవిప్రకాశ్‌పై కేసు నమోదు చేయాలని సైబరాబాద్ 2వ మెట్రోపాలిటన్ మేజిస్ట్రేట్ ఎల్‌బీనగర్ పోలీసులను ఆదేశించారు.

ఈ నెల 12న రాత్రి 8.30 గంటల సమయంలో ‘బుల్లెట్ న్యూస్’ పేరిట ప్రసారం చేసిన కార్యక్రమంలో తెలంగాణ ప్రజాప్రతినిధులను కించపరిచారంటూ స్థానిక న్యాయవాది సుంకరి జనార్దన్‌గౌడ్ సైబరాబాద్ 2వ మెట్రోపాలిటన్ మేజిస్ట్రేట్ కోర్టులో ఫిర్యాదు దాఖలు చేశారు. దీంతో సెక్షన్- 504, 506 భారతీయ శిక్ష్మాస్మృతి, 4ఏ, 6 కేబుల్ అండ్ నెట్‌వర్క్ యాక్ట్ ప్రకారం ఎఫ్‌ఐఆర్ నమోదు చేయాలని పోలీసులను ఆదేశించింది.

RS