ఆంద్రజోత్యి పై కేసిఆర్ ఫైర్-సారీ చెప్పిన టీవీ9

Posted: 06/13/2014 03:56 PM IST

Telangana cm kcr fire on andhrajyothy paper in telangana assembly

తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖరరావు ఈరోజు శాసనసభలో మాట్లాడుతూ.. ఆంద్రజ్యోతి పత్రిక, మీడియా ఛాన్స్ టీవీ9పై మండిపడ్డారు. ఆయన ఒక్కసారి మీడియా ను ఎందుకు టార్గెట్ చేసారో ఎవరికి అర్థం కాలేదు. కానీ ఆయన సభలోకి ఆంద్రజ్యోతి పేపర్ రాసిన వార్తలు చెప్పటంతో శాసనసభలో ఉన్న వారికి అర్థమైంది. తెలంగాణముఖ్యమంత్రి పై వ్యతిరేకంగా వార్తలు రాసి ఉంటుందని అందరు అర్థం చేసుకున్నారు.

తెలంగాణలో ఇంకా ఆంధ్రామీడియా అహంకారాన్ని సహించేది లేదని సిఎం కేసీఆర్ స్పష్టం చేశారు. శాసనసభలో ఆయన మాట్లాడుతూ టీవీ9 ఛానల్ తెలంగాణ శాసనసభను, ఎమ్మెల్యేలను ఘోరంగా అవమానించిందని ఆగ్రహం వ్యక్తం చేశారు. తెలంగాణ శాసనసభ్యులది పాచికల్లు తాగిన మొహాలని టీవీ9 రాసిందని విమర్శించారు.

టూరింగ్ టాకీస్ లో సినిమాలు చూసేవారిని తీసుకొచ్చి మల్టీఫెక్స్ లో కూర్చోబెడితే ఎలా ఉంటుందో... తెలంగాణ శాసనసభ అలాం ఉందని వ్యాఖ్యలు చేశారు. పాచికల్లు తాగిన ముఖాలుగా శాసన సభ్యులను టీవీ-9 అభివర్ణించింది. అంతటి అహంకారంతో వ్యవహరిస్తారా'' అని ఆయన ప్రశ్నించారు. పిట్ట బెదిరింపులకు, తప్పుడు ప్రచారాలకు ఎవ్వరూ భయపడరని కేసీఆర్ అన్నారు. గౌరవ శాసనసభ్యులకు భంగం కలిగించేలా వ్యాఖ్యలు చేయడానికి ఎంత ధైర్యం ఉండాలని ప్రశ్నించారు. తమిళనాడులో జయలలితలాగా అవసరం అయితే కేబుల్ చట్టాలను అమలు చేస్తామని కేసీఆర్ తెలిపారు.

ఆంధ్రజ్యోతి పత్రిక పనిగట్టుకొని విషం కక్కుతోందన్నారు. ఏదైర్యంతోని ఆంధ్రజ్యోతి పత్రిక అడ్డగోలు రాతలు రాస్తోందని హెచ్చరించారు. ఆంధ్రామీడియా లేని ఇష్యూలను ఉన్నట్టు చూపిస్తున్నాయని ఆగ్రహం వ్యక్తం చేశారు. ఆంధ్రామీడియా అహంకారాన్ని సహించేది లేదని.. తమిళనాడు తరహాలో కేబుల్ చట్టాన్ని ప్రభుత్వం చేతుల్లోకి తీసుకుంటుందని వెల్లడించారు.

టీవీ9 క్షమాపణ

తెలంగాణ శాసనసభ్యులపై బుల్లెట్ న్యూస్ కార్యక్రమంలో అనుచిత వ్యాఖ్యలు ప్రసారం కావడంపై చింతిస్తున్నామని, ఈ వ్యాఖ్యల ప్రసారంపై శాసనసభకు టీవీ9 క్షమాపణ చెబుతోందని టీవీ9 ఎడిటర్ ప్రకటించారు. భవిష్యత్‌లో ఇలాంటి పొరపాట్లు పునరావృతం కాకుండా తగిన చర్యలు తీసుకుంటామని ఆయన తెలిపారు.

జీవన్‌రెడ్డి ఆవేశం.

తెలంగాణ శాసనసభ, ఎమ్మెల్యేలను అవమానించిన మీడియాపై ప్రివిలేజ్ మోషన్ ఇవ్వాలని కాంగ్రెస్ ఎమ్మెల్యే జీవన్‌రెడ్డి కోరారు. శాసనసభలో ఆయన మాట్లాడుతూ తెలంగాణ ఎమ్మెల్యేలను కించపరిచిన మీడియాపై తక్షణమే చర్యలు తీసుకోవాలని డిమాండ్ చేశారు.