వంద రోజుల్లో ‘చంద్రబాబు’ పని ఫినిష్ ?

Posted: 06/12/2014 01:41 PM IST

Chandrababu naidu 100days focus on vision 2020

‘‘నేను నిద్ర పోను.. మిమ్మల్ని నిద్రపోనివ్వను’’ 24 గంటలు మీకోసం పని చేస్తా? అని అర్థ నిద్రలో కూడా కలవరిస్తున్న ఆంద్రప్రదేశ్ ముఖ్యమంత్రి నారా చంద్రబాబు నాయుడు .. వంద రోజుల్లో పని పూర్తి చేస్తానని హామీ ఇచ్చాడు. ఆంద్రప్రదేశ్ ప్రజలకు వంద రోజుల్లో అన్ని హామీలు తీర్చుతానని సిఎం చంద్రబాబు చెప్పటం జరిగింది. ఇప్పుడు చంద్రబాబు ద్రుష్టి మొత్తం .. విజన్ 2020 పైనే పెట్టారు.

ఆంధ్రప్రదేశ్ అభివృద్ధికి వంద రోజుల ప్రణాళికను ప్రజల చర్చకు ఉంచుతామన్నారు. పరిపాలనను గాడిలో పెట్టేందుకు వంద రోజుల ప్రణాళిక రూపొందిస్తామని, పరిపాలనలో భాగస్వామ్యం కోసం యువత ఎంతో ఆసక్తితో ఉందన్నారు. సీమాంధ్రలో వనరులు, ఆర్ధిక పరిస్థితి, ఇబ్బందులు, ఆలోచనలతో కూడిన పత్రాన్ని విడుదల చేస్తామన్నారు.

కేంద్రం నుంచి అవసరమైన ఆర్ధిక సహకారంతో పాటు దిశానిర్దేశ కార్యాచరణ ప్రణాళికకు వారి అనుభవాన్ని, నైపుణ్యాన్ని కూడా పొందుతామన్నారు. 14, 15, 16 ఆర్ధిక సంఘాలకు సీమాంధ్రకు సంబంధించిన ఆర్ధిక అంశాల పత్రాలను అందజేసి ఆర్ధిక లోటు నుంచి బయటపడే కృషి చేస్తామని చెప్పారు. ప్రజలను భాగస్వామ్యులను చేసుకుంటూ పాలనను ముందుకు తీసుకువెళ్తామని, స్వల్ప దీర్ఘకాలిక ప్రణాళికలతో అభివృద్ధికి రూపకల్పన చేస్తామన్నారు.

విభజనలో హేతుబద్ధత లేదనేది సుస్పష్టమని, ఆ అన్యాయాన్ని కేంద్రానికి వివరించి చెబుతామని పేర్కొన్నారు. సంక్షేమ కార్యక్రమాలనూ ప్రజలకు మరింత చేరువ చేస్తామని, ఆదాయానికి ఉన్న అన్ని మార్గాలనూ అన్వేషిస్తామని చెప్పారు. చంద్రబాబు అన్ని అంశాలనూ పరిగణనలోకి తీసుకుని విజన్ డాక్యుమెంట్ రూపొందిస్తామన్నారు. అంటే వందరోజుల్లో ..సీమాంద్రలో హైటెక్ రూపం రావటం ఖాయమని ఆపార్టీలోని సినియన్ నేతలు చెబుతున్నారు. కేవలం వందరోజుల్లో చంద్రబాబు ఎలా పని పూర్తి చేస్తాడో చూద్దాం.