ఎన్టీఆర్ కుటుంబ సభ్యులు విడివిడిగా నివాళులు!

Posted: 05/28/2014 10:22 AM IST

నందమూరి హరికృష్ణ, జూనియర్ ఎన్టీఆర్, కళ్యాణ్ రామ్ తదితరులు ఎన్టీఆర్ ఘాట్ దగ్గర దివంగాత నేతకు ఆయన జయంతి సందర్భంగా నివాళులర్పించారు.  ఇరు రాష్ట్రాల ప్రజలు సుఖశాంతులతో మెలగాలని, అభివృద్ధిలో పోటీపడాలని హరికృష్ణ ఈ సందర్భంగా తన ఆకాంక్షను తెలియజేసారు.  

ఆ తర్వాత ఎన్టీఆర్ కూతురు దగ్గుబాటి పురంధేశ్వరి వెంకటేశ్వర్లు దంపతులు ఎన్టీఆర్ కి నివాళులర్పించారు.  

ఆ తర్వాత హిందూపురం ఎమ్మల్యే సినీ నటుడు నందమూరి బాలకృష్ణ, తెలుగు దేశం అధినేత చంద్రబాబు నాయుడు, చంద్రబాబు కుమారుడు లోకేష్, బ్రాహ్మణఇ తదితరులు ఎన్టీఆర్ సమాధికి పూలు సమర్పించి నివాళులర్పించారు.

ఎన్టీఆర్ అభిమానులతో ఎన్టీఆర్ సమాధి ప్రాంగణమంతా నిండిపోయింది.  తెలుగు దేశం పార్టీ సంస్థాపకుడు ఎన్టీఆర్ కి ఆ పార్టీ ఘనవిజయం సాధించిన సందర్భంగా ఆయనకు నివాలులర్పించటానికి ఆయన అభిమానులు ఇంకా వస్తున్నారు.

-శ్రీజ