జగన్మోహన్‌రెడ్డి పాపపు సొమ్ము ప్రజల్లోకి రావాల్సిందే - PAWAN

Posted: 05/04/2014 08:58 PM IST

"వంద గొడ్లు తిన్న రాబందు సైతం గాలి వానకు చచ్చి పోయినట్లే"

అవినీతికి పాల్పడి వేల కోట్లు ప్రజాధనాన్ని దోచి జగన్ జైలుకు వెళ్ళాడని,నరసరావుపేటలో ఆదివారం జరిగిన బీజేపీ, తెలుగుదేశం అభ్యర్థులకు మద్దతుగా జరిగిన ఎన్నికల ప్రచార సభలో పవన్ కళ్యాణ్ జగన్ పై ఘాటైన విమర్శలు చేశారు.

వైఎస్సార్ కాంగ్రెస్ పార్టీ అధ్యక్షడు జగన్మోహన్‌రెడ్డి పాపపు సొమ్ము ప్రజల్లోకి రావాల్సిందేనని పవన్ కళ్యాణ్ అన్నారు.

అవినీతి పై జగన్ పోరాడి వుంటే ఆయనకే మద్దతు ఇచ్చి వుండేవాడినని పవన్ కళ్యాణ్ తెలిపారు. వైఎస్ జగన్ సీఎం కావాలన్న కోరిక రాష్ట్రాన్ని రెండు ముక్కలుగా చీల్చిందని విమర్శించారు. కేసీఆర్ సీమాం«ధా ప్రజలను పదే పదే దూషిస్తూ భయ పెడుతుంటే జగన్ నోరు ఎందుకు మెదప లేదని నిలదీశారు.ఈ ఎన్నికల్లో అవినీతి పరులను ఓటర్లు తరిమి కొట్టాలని పిలుపు నిచ్చారు.

జగన్‌కు జైలుకు వెళ్ళిన అనుభవం మాత్రమే వుందని విమర్శించారు.చంద్రబాబు నాయుడుకు ఎందుకు మద్దతు ఇస్తున్నానంటే ఆయనకు పరిపాలన పట్ల అనుభవం వుందని, సీమాం«ధను అభివృద్ధి చేయగల సత్తా వుందన్నారు. ప్రజలకు అన్యాయం చేసిన వారు, ప్రజల సొమ్ము దోచిన వారు అంతం అయి పోవాల్సిందేనన్నారు.

ప్రజలకు అన్యాయం చేసిన వారు, ప్రజల సొమ్ము దోచిన వారు అంతం అయి పోవాల్సిందేనన్నారు. అవినీతి పరులకు, దోపిడీ దారులకు జనసేన మద్దతు ఇవ్వదన్నారు.సభలో నరసరావుపేట అసెంబ్లీ బీజేపీ అభ్యర్థి నలబోతు వెంకటరావు, చిలకలూరిపేట టీడీపీ అభ్యర్థి పత్తిపాటి పుల్లారావు తదితరులు పాల్గొన్నారు.

వచ్చే ఎన్నికల్లో జనసేన పార్టీ పోటీ చేస్తుందని స్పష్టం చేశారు. ప్రజా సమస్యల పై ముందుండి పోరాడతానని పవన్ కళ్యాణ్ తెలిపారు.