KCR పిచ్చి కూతలు ఆపు - PAWAN

Posted: 04/23/2014 07:19 AM IST

సీమాం«ద్రులు ఇక్కడ ఉండొచ్చు. కానీ పోటీ చేయడానికి వీల్లేదు' అంటూ కేసీఆర్ ఇటీవల చేసిన వ్యాఖ్యలపై పవన్ తీవ్రంగా స్పందించారు. అటువంటి పిచ్చికూతలు కూస్తే చూస్తూ విని ఊరుకునేవాళ్లెవరూ లేరు;  ప్రాంతీయ విద్వేషాలు రెచ్చగొట్టొద్దు; తెలంగాణ ఏర్పడింది రాష్ట్రంగానే... దేశంగా కాదు; కేసీఆర్ చేతిలో పెడితే 20 ఏళ్లు వెనక్కే టీఆర్ఎస్ అధినేతపై పవన్ కల్యాణ్ ఫైర్.

ఇది భారత దేశమని ఎవరైనా ఎక్కడైనా నివసించవచ్చని, ఎక్కడనుంచైనా పోటీ చేయవచ్చని స్పష్టం చేశారు.తెలుగు జాతి ఐక్యత దెబ్బ తింటే దేశ సమగ్రత దెబ్బ తింటుందని ఆందోళన వ్యక్తం చేశారు. తెలంగాణ భారత్‌లో అంతర్భాగమే కానీ, వేరే దేశంగా విడిపోలేదని ఈవిషయాన్ని కేసీఆర్ గ్రహించాలని హితవు పలికారు.తాను పుట్టింది గుంటూరు జిల్లా బాపట్ల అయితే పునర్జన్మ ఇచ్చింది తెలంగాణ ప్రాంతమేనని చెప్పారు.

గ్యాస్, పెట్రోల్, డీజిల్ ధరలు ఎన్నోసార్లు పెరిగాయని ధ్వజమెత్తారు. నిత్యావసర వస్తువుల ధరలు ఆకాశాన్నంటుతున్నాయని ఆగ్రహం వ్యక్తం చేశారు. "నిన్ననే మా అమ్మా వాళ్లింట్లో చూశాను. ధరలు పెరిగిపోతున్నాయని ఆమె చాలా బాధపడుతోంది. ఆమె కొడుకుల్లో ఒకడిని నేను. ఇంకొకరు... మొన్నటివరకూ కేంద్ర మంత్రిగా కూడా చేశారు. ఆవిడే ఆ స్థాయిలో బాధపడుతోంది. అంటే సామాన్యుని పరిస్థితి ఎలా ఉంటుంది?'' అని ఆయన ప్రశ్నించారు. ప్రతీ సామాన్యుడు, మధ్య తరగతి వారు సంతోషంగా ఉండాలంటే ఎన్డీఏ ప్రభుత్వం రావాలని, మోదీ ప్రధాని కావాలని పవన్ కల్యాణ్ ఆకాంక్షించారు