తెలివైన తెలుగు ప్రజలారా ?  ఒక్క నిమిషం ఆలోచించండి?  మన తెలుగు రాష్ట్రంలో.. మంచి నాయకుడు, నిజాయితీ గల నేత, నిస్వర్థం కలిగిన మహా నాయకుడు, సంస్కారం తెలిసిన తెలుగు నాయకుడు,  బూతు మాట్లాడని బుద్దుడు  లేడా? పది కోట్ల జనభాలో.. ఒక మంచి నాయకుడు లేడా? అంటే  అది నిజంగా మనకే సిగ్గు చేటు. 

యాబైఆరు అక్షరాలకు  పురుడుపోసుకున్న తెలుగుగడ్డ, ఎంతో మంది  మహానీయులను, మహా నేతలను, విప్లవ వీరులను, కల్మషం లేని బిడ్డలను మనకు ప్రసాదించిన  తెలుగు తల్లి.   అలాంటి తెలుగు గడ్డ పై  నేటి నేతలు తీరు చూస్తే చాలా భయం వేస్తుంది. ఇక రాబోయే తరాల పరిస్థితి ఆలోచనకు వస్తేనే.. వెన్నులో వణుకు పుడుతుంది.  

కేవలం ఐదు సంవత్సరాల పదవి కోసం .. అమ్మ అని  పిలిచిన నాలుకతో.. ‘‘నీ...   మ్మ.. , నా కొడుకు, చంపుతాం, తాట తీస్తాం, సోదిగాళ్లు,  దేవత కాదు, దెయ్యం, ఇంకా  చాలా బూతుపురాణం పుస్తకాలు  చదువుతూ .. ప్రజల సమక్షల తిరుగుతున్న నేటి  రాజకీయ నాయకులు  మనకు అవసరమా? 

అవినీతి రాజకీయ నాయకులు అడ్డదారులు తొక్కి , ఎన్నికల సమరంలోకి నిలబడుతుంటే..  మనం చూస్తూ  ఊరుకోవాలా?   ఇలాంటి బూతు నాయకులను  నియంత్రించలేమా?   మనం వేసే ఓటుతో గెలిచి.. చివరకు మనల్నే బూతులు తిడుతున్న ఈ బూతు నేతలకు  బుద్ది చెప్పలేమా?  ఒకే ఒక్క నిమిషం ఆలోచించండి?  ‘‘ ఈరోజు  ఎవరినో.. నా కొడుకు అన్నవాడు.. రేపు మన బిడ్డల్ని అనడని  గ్యారీంటి ఏమిటి?  ఇలా మనముందే.. ఇతర నాయకులపై బూతు తిడితే., ఓటు వేసిన మనల్ని  రేపు ఎన్ని బూతులు తిడతాడో .. ఒక్క నిమిషం ఆలోచించండి?  

ఈరోజు అమ్మ, అయ్యా, అంటూ దండాలు పెడుతూ .. మన  ఇంటి ముందుకు వచ్చి  నటిస్తున్న నాయకులే ..నిజమైన దొంగలు?  తెరపై నటించే వారు కాదు.  ఎందుకంటే.. మన భుక్తి కోసం.. ఎలా కష్టపడి సంపాదించుకుంటామో,  అలాగే  వారు  కూడా  తెరపై నటించేవారు కూడా అంతే. కానీ ఇక్కడ  మనం అవినీతికి పాల్పడటంలేదు., తెరపై నటించే..నటులు అవినీతికి  పాల్పడటంలేదు.  ఈ విషయం అందరికి తెలుసు.

కానీ అవినీతి పేరు వినబడగానే.. ముందుగా అందరికి గుర్తుకు వస్తేది..నేటి రాజకీయ నాయకులే. ‘‘ ఒక సామాన్య రైతు తన కుటుంబం సహా 365  రోజులు కష్టపడిన.. కోటీ రూపాయాలు సంపాదించలేడ. ’’ అలాగే ఒక నటుడు  కష్టపడి  5 సంవత్సరాలు షూటింగుల్లో బిజీ అయిన .. లక్షకోట్లు సంపాదించలేడు.  కారణం  వీరు.. తమ శక్తి ని నమ్ముకొని  పని చేసుకుంటున్నారు. కానీ  మన నేతలు అలా కాదు ఖద్దర్ దరిస్తే చాలు ..  ధనలక్ష్మీ వారిని ఆటోమేటిక్ గా.. వరించి, వారి చేత  స్విస్ ఖాత తెరిపిస్తుంది.  

ఇక్క డ మనం ఆ నేతకు ఓటు వేసినందుకు.. అధిక ధరలతో  మనకు నిత్యావసర వస్తువులు పుష్కలంగా లభిస్తాయి.  వీటి పై ఒక్క నేత కూడా బూతు పురణం  మాట్లాడాడు.  కనీసం వాటిని తగ్గించేందుకు ప్రభుత్వం పై పోరాటం కూడా చెయ్యడు.  కాన మన వేసే ఓటు మాత్రం  ప్రతి ఐదు సంవత్సరాలకు మాత్రం కావాలి.  మన గురించి పట్టించుకోని  ఈ  బూతు నేతలు మనకు అవసరమా? ఒక్కసారి ఆలోచించండి? 

ఏదైన సినిమాలో  కొంచెం వల్గర్ గా ఉంటే.. ఆ సినిమా ‘ఏ ’ సర్టిఫికేట్  ఇస్తారు?  పబ్లిక్ లో బూతు గురించి మాట్లాడకూడదు, బూతు సినిమాలు చూడకూడదు, బూతు పనులు చేయకూడదని, ప్రభుత్వం కొన్ని నిబంధనాలు పెట్టిన విషయం తెలిసిందే. కానీ ఇలా ప్రజలు ముందు ప్రజా నాయకుడు బూతుపురణం చదువుతుంటే .. మనం ఏమి చేయలేమా?  మనం చెవులు మూసుకోవాల్సిందేనా? ఎన్నాళ్లు, ఎన్నేళ్లు,  ఇకనైనా తెలుగు యువత, తెలుగు ప్రజలు మేల్కోండి.  

ఈ లాంటి బూతు నాయకులకు  మన వజ్రాయుదం (ఓటు) తో  బుద్ది చెప్పండి?   మీరు నోటా బటన్ నొక్కి పర్వలేదు గానీ,  ఇలాంటి బూతు  నేతలను  మాత్రం ఎన్నుకోవద్దు..,   మనం  మరిచిపోయి మళ్లీ ఈ బూతు నేతలను వెన్నుకుంటే.. మన బిడ్డల జీవితం, మన జీవితంలోకి అంధాకారన్ని  ఆహ్వానించి నట్టే..?  తెలుగు ప్రజలారా ...బీకేర్ పుల్ ..?  ప్రాంతాలు వేరైన  తెలుగు ప్రజలు ఒక్కటే.. , తెలుగు ప్రజలు అభివ్రద్ది .. అందరికి ముఖ్యం.

ఆర్ఎస్