మెగా బ్రదర్స్ నో పాలిటిక్స్

Posted: 10/23/2013 10:07 AM IST

గత రెండు మూడు రోజులుగా రాష్ట్రంలో ఎక్కడ చూసినా పవన్ కళ్యాణ్ గురించే చర్చ. ఆయన రాజీకీయాల్లోకి రాబోతున్నాడంటూ, రీ ఎంట్రీ ఇచ్చి టీడీపీలో చేరబోతున్నాడని, అందుకు తెర వెనక బాలయ్యతో చర్చలు కూడా జరిగాయని, త్వరలో పవన్, ఆయన అన్న నాగబాబు చేరడమే తరువాయి అని ఇలా రకరకాల వార్తలు సంచరించినా పవన్ మాత్రం మీడియా ముందుకు వచ్చి స్పందించలేదు. మీడియా ముందుకు చాలా తక్కువ సందర్భాల్లో వచ్చే పవన్ ఇలాంటి వాటి పై స్పందించరని అనుకున్నారంతా.

కానీ ఆయన బదులు సినీ నటుడు పోసాని మురళీ క్రిష్ణ స్పందించి... పవన్ రాజకీయాల్లోకి రాడని తేల్చేశాడు. గతంలో పోసాని ఒక ఇంటర్యూలో రాష్ట్ర రాజీకీయాలు ఓ వ్యభిచారంలా తయారయ్యాని చెప్పుకొచ్చిన ఆయన ఇప్పుడు పవన్ రాజకీయాల్లోకి వచ్చి కలుషితం అపోవడం తప్ప మరేమి ఉండదని, ఓట్లేసే ప్రజల్లో సైతం నిజాయితీ లోపించిందని, ఇలాంటి టైంలో రాజీయాల్లోకి వచ్చినా తనను ప్రక్షాళన చేసుకొని, నిరూపించుకునేది ఏమీ ఉండదని చెప్పుకొచ్చారు.

తన అన్నయ్య స్థాపించిన పీఆర్పీ పార్టీలో ‘యువ రాజ్యం ’ అద్యక్షుడిగా ఉన్న పవన్ ఆ పార్టీ విలీనం తరువాత తన పని తాను చేసుకుంటూ పోతున్నాడు. నటుడు, దర్శకుడు, రచయిత అయిన పోసాని పవన్ తో ఉన్న సాన్నిహిత్యం కారణంగా ఆయన మనస్సును తెలిసిన వాడిగా, ప్రస్తుతం వస్తున్న వార్తల్లో నిజం లేదని ఖచ్చితంగా చెప్పగలనని పోసాని చెప్పుడు.

మరో వైపు మెగా బ్రదర్స్ టీడీపీలో చేరుతున్నారన్న వార్తల పై నాగబాబు కూడా ఖండించాడు. తాము ఏ పార్టీలో చేరడం లేదని, అసలు రాజకీయాల్లోకే రావడం లేదని, ప్రస్తుతం వస్తున్న వార్తల్లో నిజం లేదని, టీడీపీలో చేరడానికి మేము రామోజీని, బాలక్రిష్ణను కలవలేదని నాగబాబు తన పీఆర్ఓ ద్వారా చెప్పించారు. ఇటు నాగబాబు, అటు పోసాని ఇద్దరు కూడా వార్తలన్నీ అసత్యమేనని తేల్చారు. ఇప్పటికైనా ఈ వార్తలకు పుల్ స్టాప్ పడుతుందో లేదో చూడాలి.