ఢిల్లీ నిందుతులకు ఉరి శిక్ష ఖరారు

Posted: 09/13/2013 02:56 PM IST

ఢిల్లీలో గత సంవత్సరం డిసెంబర్ 16వ తేదీన వైద్య విద్యార్థిని పై జరిగిన సామూహిక అత్యాచార సంఘటన దేశవ్యాప్తంగా సంచలనం సృష్టించిన విషయం తెలిసిందే. ఈ కేసుకు సంబంధించి ఢిల్లీ సాకేత్ ఫాస్ట్ ట్రాక్ కోర్టు సంచలన తీర్పు నిచ్చింది. ఈ కేసులో ఇప్పటికే ప్రధాన నింధితుడు రాంసింగ్ ఆత్మహత్య చేసుకోగా, మరో నింధుతుడు మైనర్ కావడంతో అతడికి మూడేళ్ళ జైలు శిక్ష విధించింది. ఇక మిగిలిన నలుగురు నింధితులు అయిన ముఖేశ్, పవన్ గుప్తా, వినయ్ శర్మ, అక్షయ్ ఠాకూర్ లను మంగళవారం కోర్టులో హాజరు పర్చగా కోర్టు వారిని దోషులుగా నిర్ధారించి, వారి పై 13 సెక్షన్ల కింద కేసులు నమోదు చేశాడు. బధవారం మరోసారి విచారించిన కోర్టు తీర్పును నేటికి వాయిదా వేసింది. నేడు కిక్కిరిసిన కోర్టు హాల్లో అత్యంత ఉత్కంఠ నడుమ వీరు నలుగురికి ఉరిశిక్ష విధిస్తూ.. అదనపు సెషన్స్ జడ్జి యోగేశ్ ఖన్నా తీర్పు వెలువరించారు. దీంతో మొత్తం జీవించి ఉన్న ఐదుగురు నిందితులకు శిక్ష పడినట్లయింది.

అంతకుముందు బుధవారం ఉదయమే తీహార్ జైలు నుంచి నలుగురు నిందితులను న్యూఢిల్లీలో గల సాకేత్ ప్రాంతంలోని ప్రత్యేక కోర్టుకు తరలించారు. కిక్కిరిసిన కోర్టు హాల్లో తీర్పు వెల్లడించగానే సందడి నెలకొంది. ఈ తీర్పుతో దేశ వ్యాప్తంగా హర్షం వ్యక్తం చేస్తున్నారు. సామూహిక అత్యాచారానికి గురైన ‘నిర్భయ ’ తీవ్రగాయాలతో సింగపూర్‌లోని ఓ ఆస్పత్రిలో చికిత్స పొందుతూ డిసెంబర్ 29న నిర్భయ మరణించింది. ఈ తీర్పుతో ఆమె శాంతికి ఆత్మ కొంచెం అయినా కలుగుతుందని, దేశంలో మరోసారి ఇలాంటి సంఘటనలు పునరావ్రుతం కాకుండా ఉండేందుకే ఇలాంటి తీర్పును వెలువరించారని అంటున్నారు. గతంలో పలువురి ఉగ్రవాదులకు కూడా ఉరి శిక్ష విధించిన విషయం తెలిసిందే.