విభజన జరగదు: మమత- నమ్మవద్దు: వెంకయ్యనాయుడు

Posted: 08/29/2013 08:50 PM IST

విభజన జరగదు.. విభజన జరగదు అని పశ్చిమ బెంగాల్ ముఖ్యమంత్రి మమతా బెనర్జీ అన్నారు. ఫైర్ బ్రాండ్ పేరు మమతా విభజన జరగదని గట్టిగా అంటున్నారు. మీడియా ముందు నిప్పులు చెరిగే మమతా ఈ సారి చాలా కూల్ గా విభజన జరగదని చెప్పటం చాలా విశేషంగా ఉంది. అంటే.. ఆంద్రప్రదేశ్ జరుగుతున్న తెలంగాణ విభజన ప్రక్రియ కాదులేండి. డార్జిలింగ్ కొండల్లో నిర్వహిస్తున్న నిరవధిక బంద్ ను ఉపసంహరించుకోవాలని గుర్కా జనముక్తి మోర్చా(జీజేఎం)ను మరోసారి కోరారు. జీటీఏకు కొత్త చీఫ్ ఎగ్జిక్యూటివ్ ను ఎన్నుకునేందుకు ముందుకు రావాలని విజ్ఞప్తి చేశారు. జీజేఎంకు అన్నివిధాలా సహకరిస్తామని మమత హామీయిచ్చారు. జీటీఏకు ద్వారా భూములు పంపిణీ చేశామని, వైద్యం- విద్య అందించామని, వంద రోజుల ఉపాధి కల్పన పథకాన్ని అమలు చేస్తున్నామని చెప్పారు. గుర్కాలాండ్ పేరు మీదే ఇవన్నీ చేస్తున్నామని ఇంకా ఏం కావాలని ఆమె ప్రశ్నించారు. రాష్టం విడిపోయే పరిస్థితి లేదని మమత బెనర్జీ స్పష్టం చేశారు. బంద్ పేరుతో డార్జిలింగ్ లో అభివృద్ధి కార్యక్రమాలను జీజేఎం అడ్డుకుంటోందని ఆమె ఆరోపించారు. రోగులను తరలిస్తున్న వాహనాలకు కూడా నిప్పు పెడుతున్నారని ఆమె విమర్శించారు.

 

నమ్మవద్దు: వెంకయ్యనాయుడు

విభజన జరగదని అంటే మీకు నమ్మకండి అని బీజేపి సీనియర్ వెంకయ్యనాయుడు అంటున్నారు. ఇక్కడ మాత్రం వెంకయ్యనాయుడు మాట్లాడుతుంది ఆంద్రప్రదేశ్ రాజకీయ గురించే మాట్లాడుతున్నారు. తెలంగాణ ప్రత్యేక రాష్ట్రం ఏర్పాటుపై బీజేపీ సూత్రపాయంగా నిర్ణయం తీసుకుందని వెంకయ్యనాయుడు చెప్పారు. ఆ నిర్ణయం నుంచి వెనక్కి తగ్గేది లేదన్నారు. కాంగ్రెస్ పార్టీ కూడా తెలంగాణపై తన నిర్ణయం మార్చుకోదని తన అభిప్రాయంగా చెప్పారు. రాష్ట్ర విభజన ఆగుతుందని ఎవరైనా చెప్తే నమ్మవద్దని సీమాంధ్ర ఉద్యోగులకు చెప్పినట్లు తెలిపారు. పార్లమెంట్‌లో బిల్లు సందర్భంగా సీమాంధ్రుల ఆందోళపై చర్చిస్తామని వెంకయ్య నాయుడు చెప్పారు. తెలంగాణ ప్రత్యేక రాష్ట్రం ఏర్పాటుకు బిజెపి మొదటి నుంచి మద్దతు తెలుపుతోంది. పార్లమెంటులో బిల్లు ప్రవేశపెట్టినా తాము మద్దతు తెలుపుతామని వారు చెబుతూనే ఉన్నారు. అసలు ఇంతకీ వెంకయ్యనాయుడు సమైక్యవాదా.. లేక తెలంగాణవాదా అనే విషయం ఎవ్వరికి అర్థం కావటంలేదు.. ఈ విషయన్ని నెల్లూరు ప్రజలే తేల్చాలి.