నేను సైతం అంటున్నమంత్రి చిరంజీవి

Posted: 08/29/2013 09:18 PM IST

నేను సైతం సమైక్యాంద్ర ఉద్యమంలో పాలుపంచుకుంటాను అంటూ మంత్రి చిరంజీవి సిద్దమువుతున్నాడు. ఇప్పటి కే కేంద్ర మంత్రులపై నమ్మకం పోయిన సీమాంద్ర ప్రజలు రాజీనామాలు చేసి ఉద్యమంలోకి అడుగుపెట్టాలని డిమాండ్ చేస్తున్నారు. ఇప్పటికే ప్రజలతో కలిసి ఉద్యమంలో పాల్గొనడానికి వచ్చిన నేతలను ఉద్యమ కారులే గో బ్యాక్ అంటూ తరిమికొట్టడంతో ఒక్కొక్కరుగా రాజీనామాలకు సిద్దపడుతున్నారు. తాజాగా సమైక్యాంధ్ర కోసం అందరితోపాటు రాజీనామాకు సిద్ధంగా ఉన్నట్లు కేంద్ర మంత్రి చిరంజీవి కూడా చెప్పారు. అధిష్టానం నిర్ణయాన్ని వెనక్కి తీసుకోలేమన్నందుకే హైదరాబాద్‌ను యూటీ చేయాలని కోరానని, తమ నిర్ణయం తప్పంటే రాజీనామాకు వెనకాడనని వెల్లడించారు. సీమాంధ్రలో ఉద్యమ తీవ్రతను హైకమాండ్ దృష్టికి తీసుకెళ్లింది తానే అని చిరంజీవి అన్నారు. ఈ రోజు ఢిల్లీలో ఎపిఎన్జీవోలు, సచివాలయ ఉద్యోగులు సీమాంధ్ర కేంద్రమంత్రులు, పార్లమెంటు సభ్యులతో భేటీ అయిన విషయం తెలిసిందే. ఈ భేటీలో ఉద్యోగులు నేతలను నిలదీశారు. అందుకే చిరంజీవి ఇలా రాజీనామాకు సిద్దమేనని ప్రకటించారు. ఇప్పటికే కేంద్ర మంత్రులపై సీమాంద్రలో అసభ్యకరమైన బ్యానర్లు వెలిసిన విషయం తెలిసిందే. నిన్న ఎంపీ లగడపాటికి బెజవాడలో ఎపీఎన్జీవో ఉద్యోగులు సమైక్య సెగ ఏమిటో చూపించారు. తులసి రెడ్డి కూడా సమైక్య సెగ తగలడంతో.. ఆయన మీసాలు, తొడలను కొట్టుకుంటూ.. కారులో వెళ్లిపోయారు. మరీ ఇప్పుడు కేంద్ర మంత్రులు అందరు రాజీనామాలు చెయ్యకుండా సమైక్యాంద్ర ఉద్యమంలోకి అడుగు పెట్టలేని భయం పట్టుకుంది.