త్వరలో జగన్ కు విముక్తి?

Posted: 08/10/2013 09:44 AM IST

ఓదార్పుయాత్రతో దూకుడు పెంచిన వైఎస్ జగన్ పై కాంగ్రెస్ పార్టీ ఏవిధంగా శిక్ష వేసిందో అందరికి తెలిసిందే. అయితే ఆ శిక్ష నుండి త్వరలో జగన్ రిలీజ్ కాబోతున్నాడు. సిబిఐ వారిని రంగంలోకి దించి , వైఎస్ జగన్ ను జైలు పంపించిన విషయం తెలిసిందే. అయితే సంవత్సరం నుంచి జైల్లో ఉన్న జగన్ కు త్వరలో విముక్తి లభిస్తుందని కాంగ్రెస్ నాయకులు అంటున్నారు. ఏ భాధ లేకుండా సుఖంగా జీవితాన్ని నాలుగు గోడల మద్య వెళ్ళదీస్తున జగన్ త్వరలో బయటకు రానున్నాడా? జగన్ కు బయటకు రావటానికి సాయం చేసేదెవరు? ఒకవేళ వచ్చిన తర్వాత వైఎస్ జగన్ కార్యాచరణ ఏంటి? వీటన్నిటికి ఒకటే సమాధానం. కాంగ్రెస్ కి ప్రత్యక్షంగా కానీ పరోక్షంగా కానీ మద్దతివ్వటమే. ఇన్నాళ్ళు జగన్ ను బయటకు రానీయకుండా ఉండటానికి సిబిఐ జేడి లక్ష్మీనారాయణ చాలా ఎత్తులు వేసేవారని జగన్ వర్గ నాయకుల అపోహ. ఇప్పుడు లక్ష్మీనారాయణ బదిలీ కావటంతో ఇక జగన్ బయటకు రావడం ఖాయం అంటున్నారు. ఎప్పుడైతే సిబిఐ జేడి బదిలీ అయ్యాడో జగన్ పార్టీ నేతలు సంబరాలు చేసుకొన్నారు. రాష్ట్రం విభజన జరిగిన సందర్భంగా ఆంధ్ర ప్రాంతంలో కాంగ్రెస్ పూర్తిగా పతనమయ్యే దశలో ఉండటంతో సోనియా గాంధీ.. జగన్ ను బయటకు తీసుకొచ్చి జగన్ తో రాజకీయం నడిపిద్దామనే ఉద్దేశంలో కాంగ్రెస్ హైకమాండ్ ఉన్నట్లు కాంగ్రెస్ పార్టీ సీనియర్ నాయకులు అంటున్నారు. 2014 సంవత్సరంలో జరగపోయే ఎన్నికల్లో ఫలితాలు వెలువడిన తర్వాత పిల్ల కాంగ్రెస్ , తల్లి కాంగ్రెస్ కలిసి ప్రభుత్వాన్ని ఏర్పాటు చేయటానికి ఇప్పటినుంచే వ్యుహరచనలు సిద్ధం చేస్తున్నారని ఢిల్లీ పెద్దలు, వైఎస్ఆర్ కాంగ్రెస్ నాయకులు అంటున్నారు. అక్టోబర్ మొదటివారంలో జగన్ జైలు జీవితానికి పుల్ స్టాప్ పెట్టబోతున్నాడని అందరూ రాజకీయ విశ్లేషకుల అంచనా. ఆ ప్రయత్నంలో భాగంగానే మొదటగా జగన్ ను బయటకు తీసుకొస్తున్నారని సమాచారం. జగన్ బయటకు వస్తున్నాడనే సమాచారం ముందుగా అందుతుండడంతో వైఎస్ఆర్ పార్టీ నాయకుల్లో ఆనందం, ఉత్సాహం ఉరకలేస్తుంది. అయితే చంచల్ గూడ జైలు నుండి జగన్ లోటస్ పాండ్ వరకు పెద్ద ర్యాలీ జరపడానికి జగన్ పార్టీ నాయకులు ప్లాన్ చేస్తున్నట్లు వైఎస్ జగన్ అభిమానులు అంటున్నారు.