సిఎం తలకు చుట్టుకున్న ఐఏఎస్ బదిలీ కేసు?

Posted: 08/02/2013 07:18 PM IST

Cm akhilesh yadav controversy ias officer suspension

యూపీ ముఖ్యమంత్రి అఖిలేష్ యాదవ్ కు పెద్ద తలనొప్పిపట్టుకుంది. ఉత్తరప్రదేశ్ అధికారంలో ఉన్న ములయం సింగ్ యాదవ్ కొడుకు అఖిలేష్ యాదవ్ ముఖ్యమంత్రి గా ఉన్న విషయం తెలిసిందే. అయితే ఆయన మంత్రి వర్గం పై అనేక ఆరోపణలు ఉన్నాయి. అయితే తాజాగా ఒక మంత్రి చేసిన పని వలన ముఖ్యమంత్రి అఖిలేష్ యాదవ్ చిక్కుల్లో పడ్డాడు. రీసెంట్ ఒక ఐఏఎస్ అధికారిణి కేవలం 41 నిమిషాల్లో బదిలీ చేయటం జరిగింది. కానీ ఈ బదిలీ వెనుక ఒక మంత్రి హస్తం ఉన్నట్లు సమాచారం. ఈ విషయాన్ని ఆ మంత్రి స్వయంగా తన సన్నిహితులతో చెప్పటంతో పెద్ద వివాదంగా మారింది. గొప్పలకు పోయిన ఆ మంత్రి .. కేవలం 41 నిమిషాల్లో ఐఏఎస్ అధికారినీ బదిలీ చేయించానని గొప్పగా చెప్పుకోవడంతో , అధికాస్తా వీడియోలో నిక్షిప్తం కావడం ఇప్పుడా రాష్ట్రంలో పెద్ద దుమారానికి తెరలేపింది. గత వారం రోజులుగా రాష్ట్రంలోనూ, కేంద్రంలోనూ చర్చనీయాంశంగా మారిన ఐఏఎస్ అధికారి దుర్గా శక్తి నాగ్ పాల్ గురించి ఈ మంత్రి చెప్పింది కూడా. నరేంద్ర బాఠీ అనే మంత్రికి ఆ అధికారిణి మీద ఎందకు కోపమొచ్చిందో తెలియదు కానీ తలచుకున్నదే తడవు తండ్రికొడుకులు ములాయం, అఖిలేశ్ లకు ఫోన్ చేశారు. 10.30కి నేను ఫోన్ చేశాను. 11.11 కల్లా ఆమె బదిలీ అయిపోయింది తెలుసా.. అంటూ నరేంద్ర భాటీ చెప్పడం , అది కాస్తా వీడియోలో రికార్డయింది. బదిలీ తర్వాత సస్పెన్షన్ కి గురైన ఆ అధికారి విషయం కేంద్ర ప్రభుత్వం వరకూ వెళ్లిన నేపథ్యంలో నరేంద్ర భాటీ వీడియో వ్యవహారం ముఖ్యమంత్రి అఖిలేష్ తలకు చుట్టుకుంది.