సోనియా గాంధీని డీఎస్ కోరిన పీఠం..?

Posted: 06/22/2013 05:05 PM IST

కాంగ్రెస్ పార్టీలో పదవుల కోసం ఎదురుచూసే నాయకులు చాలా మంది ఉన్నారు. నోటీ దురుసుతో పదవులు పొగొట్టుకున్నవారు ఉన్నారు. పదవి పీఠం కోసం ఎన్నో ప్రయత్నాలు చేసిన అలసి పోయిన నాయకులు ఉన్నారు. ఒక్కసారిపీఠం కూర్చుకోవటం అలవాటైన నాయకుడు మళ్లీ అదే పీఠం కావాలని సోనియాగాంధీ చుట్టు తిరుగుతున్న నేతలు ఉన్నారు. అలాంటి వారిలో మాజీ పీసీసీ అధ్యక్షడు డి.శ్రీనివాస్ ఒకరు. వైఎస్ రాజశేఖర్ రెడ్డి హయంలో రెండు సార్లు పీసీసీ గా చేసిన అనుభవం చాలా ఉంది. ఇటీవల కాలంలో ప్రస్తుత పీసీసీ ఛీప్ గా ఉన్న బొత్స సత్యనారాయణ పీఠాన్ని కదిలించే పనిలో యువనేత ఉన్నట్లు సమాచారం. అంతేకాకుండా పీసీసీ పదవి సెంటిమెంట్ పదవిగా ఢిఎస్ భావిస్తున్నారు. డీఎస్ పీసీసీగా ఉన్న రెండు స్లారు కాంగ్రెస్ విజయం సాధించిన విషయం తెలిసిందే. ఇప్పుడు ఆ విషయం డిఎస్ ప్లస్ పాయింట్ అవటంతో.. ఏఐసీసీ అధ్యక్షురాలు సోనియాగాంధీ ముందు తన మనసులో ఉన్న కోరికను భయటపెట్టినట్లు తెలుస్తోంది. ఈ రోజు సోనియా గాంధీతో ఆయన భేటీ అయ్యారు. తనను మరోసారి పీసీసీ పీఠంపై కూర్చోబెట్టాలని కోరినట్లు తెలిసింది. అదేవిధంగా రాష్ట్రంలో కాంగ్రెస్ పార్టీ పరిస్థితి, తెలంగాణ అంశంపై ప్రధానంగా చర్చించినట్లు సమాచారం. ముఖ్యంగా తెలంగాణ రాష్ట్రం ఇస్తే పరిస్థితి ఏంటి..? ప్యాకేజీ కేటాయిస్తే ఎదురయ్యే సమస్యలేంటి..? అన్న అంశంపై చర్చ సాగినట్లు సమాచారం. అదేవిధంగా స్థానిక సంస్థల ఎన్నికల్లో గెలుపోటములపైనా చర్చించినట్లు తెలుస్తోంది. రాష్ట్రంలో ఖాళీ అయిన హోం మంత్రి పదవిని తెలంగాణ వారికే ఇవ్వాలని కోరినట్లు సమాచారం. అమ్మ అనుగ్రహిస్తే.. పీసీసీ పీఠం డీఎస్ కు దక్కే అవకాశాలు ఎక్కువగా ఉన్నట్లు ఢిల్లీ నాయకులు అంటున్నారు.