Posted: 03/14/2013 09:48 AM IST

కొత్తగా ఎన్నికైన బిషప్ ఫ్రాన్సిస్ ఉపన్యాసం.

బుధవారం రాత్రి సైంట్ పీటర్స్ బసిలికా బాల్కనీ లో బిషప్ గా ఎన్నికై ఫ్రాన్సిస్ గా తన పేరు (పాపల్ నేమ్) మార్చుకున్న అర్జంటైన్ జార్జ్ బెర్గోగ్లియో ఇటాలియన్ భాషలో ఇచ్చిన మొదటి ఉపన్యాసానికి వాటికన్ అధికారిక అనువాదకులు ఇంగ్లీషులో విడుదల చేసిన దానికి ఇది తెలుగు అనువాదం-

సోదర సోదరీమణులకు అభివాదం.  రోమ్ కి ఒక బిషప్ ని  అందించే బాధ్యత దీన్ని నిర్వహిస్తున్న కాంక్లేవ్ కి ఉందన్న విషయం మీ అందరికీ తెలుసు.  అందుకోసం నా కార్డినల్ సోదరులు భూభాగం అంచులవరకూ అన్వేషించి... చివరకు .. ఇదిగో ... నన్ను ఎంపిక చేసారు.  నాకు స్వాగతం పలుకుతున్న మీ అందరికీ ధన్యవాదాలు.  రోమ్ లోని డియోసిసాన్ వర్గానికి ఇప్పుడొక బిషప్ వచ్చారు.  మరో ధన్యవాదాలు తెలుపుకుంటూ, ముందుగా బిషప్ ఎమిరిటస్- బెనెడిక్ట్ 15 కోసం మనందరం కలిసి ప్రార్థన చేద్దాం.  ఆయనను మేరీ మాత కరుణతో చూసుకుంటుందని ఆశిద్దాం.

ఇక మనందరం – బిషప్ తోపాటు ప్రజలు- కలిసి పయనిద్దాం.  ప్రపంచంలోని అన్ని చర్చ్ లకూ ఎక్కువ దానశీలి అయిన రోమ్ లోని ఈ చర్చ్ ప్రయాణాన్ని సాగిద్దాం.  దయ, కరుణ, పరస్పర విశ్వాసాలతో ముందుకు సాగుదాం.  మనం ఒకరికోసం మరొకరం ప్రార్ధనలు చేద్దాం.  ప్రపంచమంతా ప్రేమ వాత్సల్యలతో వర్థిల్లాలని ప్రార్థిద్దాం.  ఈ రోజు మనం ప్రారంభిస్తున్న ఈ చర్చ్ ప్రయాణంలో ఇక్కడే ఉన్న కార్డినల్ వికార్ నాకు తోడుండుగా ఈ సుందరమైన నగరాన్ని దివ్యత్వంతో నింపటంలో విజయం సాధిద్దాం.

 ఇప్పుడు బిషప్ గా మీకు ఆశీర్వాదాన్ని అందించే ముందుగా మీ నుంచి నేను ఒకటి కోరుకుంటున్నాను- నన్ను ఆశీర్వదించమని మీరంతా దేవుడిని ప్రార్ధించండి- ప్రజలనుంచి బిషప్ కోసం ప్రార్ధనలను కోరుకుంటున్నాను.  ఈ ప్రార్థనను మీరు నాకోసం మౌనంగా చెయ్యండి.

ఇప్పుడు మీకందరికీ, యావత్ప్రంచానికీ స్త్రీ పురుష సర్వ మానవులకూ ఇదే నేనిచ్చే ఆశీర్వాదం.

 సోదర సోదరీమణులారా ఇక నేను శలవు తీసుకుంటున్నాను.  నాకు స్వాగతం పలికిన మీ అందరికీ కృతఙతలు.  మనం మళ్ళీ కలుసుకునేంత వరకూ మీరు నాగురించి ప్రార్థనలు చెయ్యండి.  రోమునంతా కాపాడమని నేను రేపు మేరీ మాతను ప్రార్థిస్తాను.  శుభరాత్రి.  సుఖనిద్రపోండి.

-శ్రీజ