Posted: 02/25/2013 05:46 PM IST

ఈరోజు శ్రీహరికోట నుండి పిఎస్ఎల్ వి  ఈ రోజు నింగిలోకి దూసుకెళ్ళే దృశ్యాన్ని రాష్ట్రపతి ప్రణబ్ ముఖర్జీ, ముఖ్యమంత్రి కిరణ్ కుమార్ రెడ్డి, గవర్నర్ నరసింహన్ తిలకిస్తారు.  అందుకు కావలసిన అన్ని ఏర్పాట్లనూ ఇప్పటికే షార్ లో చేసుకుని ఉన్నారు. 

దేశ ప్రధమ పౌరుడి ఆగమనం దృష్ట్యా నెల్లూరులో భద్రతా ఏర్పాట్లను భారీగా చేసారు.  ఒక ఎస్ పి, ముగ్గురు అదనపు ఎస్పీలు, 16 మంది డిఎస్పీలు, 41 మంది సిఐలు, 139 మంది ఎస్ఐలు, 80 మంది ఏఎస్ఐలు, హెడ్ కాన్ స్టేబల్స్, 894 మంది కాన్ స్టేబుల్స్, 350 మంది ఏఆర్ పోలీసులతో మొత్తం 1600 మంది పర్యవేక్షణలో భారీ బందోబస్తు చేసారు.

కాన్వాయ్ లు కూడా భారీ సంఖ్యలో ఏర్పాటు చేసారు.  రాష్ట్రపతికి 55, గవర్నర్ కి 31, ముఖ్యమంత్రికి 23 వాహనాలతో కూడిన కాన్వాయ్ కదులుతుంది. 

అయితే పిఎస్ ఎల్ వి సి 20 ప్రయోగ వేళలో స్వల్ప మార్పుని షార్ వర్గాలు తెలియజేసాయి.  అనుకున్నట్టుగా సాయంత్రం గం. 5.56 ని. లకు కాక గం.6.01 కి అంటే ముందు అనుకున్నదానికి 5 నిమిషాల తేడాలో పిఎస్ఎల్ వి నింగిలోకి వదలబడింది. 

విజయవంతంగా జరిగిన ఈ ప్రయోగాన్ని రాష్ట్రపతి, ముఖ్యమంత్రి, గవర్నర్, ప్రత్యేకంగా ఏర్పాటు చేసిన గదిలోంచి తిలకించారు. 

-శ్రీజ