Posted: 01/17/2013 10:32 AM IST

దివంగత ముఖ్యమంత్రి అయిన వైయస్ రాజశేఖర్ రెడ్డి నీడ, ఆత్మ బంధువు అయిన కేవీపీ రామచంద్రారావు చుట్టూ సీబీఐ ఉచ్చు బిగించడానికి తెలంగాణ కాంగ్రెస్ ఎంపీలు వ్యూహాలు రచిస్తున్నారా అంటే అవుననే అంటున్నాయి రాజకీయ వర్గాలు. ఆయన తెర వెనుక రాజకీయాలకు కళ్ళెం వేయాలంటే... కేవీపీ పై సీబీఐ విచారణ చేయిస్తేనే బాగుంటుందని వారంతా అనుకుంటున్నట్లు సమాచారం. ఎన్నో అవమానాలకు ఓర్చుకుంటూ తెలంగాణ రాష్ట్రం కోసం పోరాడుతున్న టి.కాంగ్రెస్ ఎంపీల ఆశలకు గండికొడుతూ.... తెలంగాణకు అడ్డుపడుతూ ఉన్న ఆయన పై వైఎస్‌ హయాంలో జరిగిన అవినీతి అక్రమాలలో కేవీపీకి భాగస్వామ్యం ఉందని, ఆయనను అరెస్టు చేయిస్తే ఎలాంటి అడ్డు ఉండదని భావించి, తాజాగా ఢిల్లీలో దీని పై సమావేశం నిర్వహించి ఓ నిర్ణయానికి వచ్చినట్లు సమాచారం.

తెలంగాణపై కేంద్రం సానుకూలంగా ఉన్నప్పటికీ, ఆ మేరకు తమకు స్పష్టమైన హామీ ఇచ్చినప్పటికీ, కేవీపీ దానిని అడ్డుకుని, కుట్ర లకు పాల్పడుతున్నారని సమావేశంలో ఆగ్రహం వ్యక్తమ యింది. కేవీపీ వల్లే తెలంగాణ రాకుండా పోతోందని, అందువల్ల కేవీపీని ఇప్పుడు నియంత్రించడమే సరైదన్న నిర్ణయానికి వచ్చారు.దీనికి సంబంధించి ఒకటి, రెండు రోజుల్లో ఎంపీలతో సంతకాలు చేయించి, దానిని సీబీఐకి అందచేయాలని నిర్ణయించినట్లు తెలిసింది. జగన్‌కు కోవర్టుగా పనిచేస్తున్నందుకే ఆయన సోనియాను, పార్టీని జగన్‌ కుటుం బం విమర్శిస్తున్నా ఇప్పటివరకూ దానిని తిప్పి కొట్టలేదని ఫిర్యాదు చేయనున్నారు. కేవీపీ జగన్‌కు కోవర్టుగా పనిచేస్తు న్నారని, ఆయన ఇక్కడ ఉండి అందరినీ జగన్‌ పార్టీకి పంపిస్తు న్నారని,  వైఎస్‌ హయాంలో తీసుకున్న ప్రతి నిర్ణయం వెనుక సలహాదారుగా కేవీపీ ఉన్నారని, ఆయనను అరెస్టు చేస్తేనే వాస్తవాలు వెలుగు లోకి వస్తాయని సీబీఐకి ఫిర్యాదు చేయనున్నారు. మరి తెలంగాణ టి. కాంగ్రెస్ వ్యూహాలకు కేవీపీ బలవుతాడో, ఎప్పటిలాగే తప్పించుకుంటాడో చూడాలి.