Posted: 11/15/2012 12:57 PM IST

ఉగ్రవాది అజ్మల్ కసబ్ సొంత అల్లుడిలా చూసుకుంటున్నారు. కసాయి కసబ్ కు కొత్త అల్లుడికి జరిగినట్లు రాచమర్యాదలు జరుగుతున్నాయి. మనుషుల్ని చంపిన కసాయి కసబ్ కు అన్నీ సౌకర్యాలు అందుతున్నాయి. మరీ నాకేందుకు ఇలా జరుగుతుంది అని నేను ప్రభుత్వాన్ని అడుతున్నానని అంటున్నారు.  అడిగితే ఒక ఖైదీ మాత్రం కాదండోయ్. ఆయన ఒక స్వామీజీ.  ఆయన హిందుధర్మం కోసం పొరాడే పరిపూర్ణానంద స్వామీజీ.  స్వయనా స్వామీ ఈ మాటలు అన్నారు. గుళ్లో దొంగతనాలు , గుళ్లో బాంబులు పెట్టిన వారిని వదిలిపెట్టిన .. గుడికి వెళ్లే నన్ను అరెస్ట్ చేస్తారా ? అంటూ స్వామీజీ ఆగ్రహించారు. లౌకిక వాదం పేరిట ప్రభుత్వం హిందూ ధర్మాన్ని అణగదొక్కుతోందని స్వామి పరిపూర్ణానంద అన్నారు. దీపావళి సందర్భంగా భాగ్యలక్ష్మి ఆలయానికి వెళ్లిన తనను అరెస్టు చేయడాన్ని నిరసిస్తూ ఆయన విలేకరులతో మాట్లాడారు. హిందువులను గుడికి వెళ్లనీయకుండా అడ్డుకోవడమే లౌకికవాదమా అని ఆయన ప్రభుత్వాన్ని ప్రశ్నించారు. 144వ సెక్షన్ పేరిట హిందువులపై ఆంక్షలు విధించిన ప్రభుత్వం ఇతర మతాల వారిని ప్రోత్సహిస్తోందని విమర్శించారు. 'కసబ్ లాంటి వాళ్లను సొంతింటి అల్లుడిలా చూస్తూ మమ్మల్ని మాత్రం అరెస్టు చేస్తారా' అంటూ నిలదీశారు.