Posted: 11/12/2012 10:47 AM IST

ఏఐసీసీ అధ్యక్షురాలు సోనియా గాంధీ కుమార్తె ప్రియాంక గాంధీ పెళ్ళి తర్వలో పెటాకులు కాబోతుందనే వార్త ఢిల్లీ రాజకీయ వర్గాల్లో జోరుగా ప్రచారం జరుగుతుందంటూ ఓ ప్రముఖ తెలుగు దినపత్రిక రాసింది. సోనియా గాంధీ ఏకైక కుమార్తె ప్రియాంక గాంధీ పారిశ్రామిక వేత్త అయినటువంటి రాబర్ట్ వాద్రాని పేమ వివాహం చేసుకున్న విషయం తెలిసిందే. వీరికి ఇద్దరు కుమారులు. ఇన్ని రోజులు సాఫీగానే సాగిన ప్రియాంక సంపార జీవితం ఇప్పుడు మాత్రం ఇబ్బందుల్లో పడిందని సమాచారం. తన భర్త వాద్రా చేస్తున్న అక్రమాలు, కాంగ్రెస్ అండదండలు పెట్టుకొని వేగంగా వ్యాపారాలు విస్తరించడం పై ఇటీవల ఆయన పై ఆరోపణలు వచ్చిన విషయం తెలిసిందే. ఈ అల్లుడు గారి గిల్లుడు అంతా సోనియా గాంధీ అండదండలతోనే జరిగిందనే ఆరోపణలు రావడంతో సోనియాకే కాకుండా కాంగ్రెస్ పార్టీ పై పెద్ద మచ్చ పడినట్లయింది.

తన భర్త వ్యాపారాలు వేగంగా విస్తరించడం పై ఆరా తీసిన ప్రియాంక కూడా అతని వ్యవహార తీరు పై అసహనంగా ఉంది. తన భర్త తన తల్లికి, కాంగ్రెస్ పార్టీకి చెడ్డ పేరు తీసుకొని వస్తుందన్న భావనతో ప్రియాంక కూడా అతని పై కోపంగా ఉంది. మొన్న జరిగిన ఉత్తరప్రదేశ్ ఎన్నికల సమయంలోనే వీరిద్దరి మధ్య పొరపొచ్చాలు వచ్చాయని తర్వలో వీరిద్దరు విడిపోతారనే వార్తలు  వచ్చాయి. దీనికి కారణం యూపీ ఎన్నికల సమయంలో అమేథీ, రాయ్‌బరేలీ నియోజకవర్గాల్లో ప్రియాంకతోపాటు వాద్రా కూడా పర్యటించారు. ఈ సందర్భంగా తనకూ రాజకీయాల్లోకి రావాలనుందని వాద్రా ప్రకటించారు. ఆ వార్తను ప్రియాంక ఖండించారు. కానీ, వాద్రా మళ్లీ అదేమాట మరోసారి చెప్పారు. వాద్రాకు బ్రేకులు వేయడానికి తర్వాత సో నియా, ప్రియాంక చాలా శ్రమ పడినట్టు సమాచారం. ప్రియాంక కుటుంబంలో వివాదాల పట్ల ఆమె తల్లి సోనియా, సోదరుడు రాహుల్ గాంధీ ఎంతో మనస్తాపంతో ఉన్నారని, వాద్రా వ్యవహార శైలి నచ్చక ప్రియాంక గత కొద్ది నెలలుగా తన తల్లి నివాసమైన టెన్ జనపథ్‌లోనే ఉంటున్న  ప్రియాంక విడాకులు ఇవ్వడానికి ఎక్కువ మొగ్గు చూపుతుందనే ప్రచారం జరుగుతుంది. మరి ఈ వివాదాన్ని సోనియా, రాహుల్ ఎలా పరిష్కరిస్తారో చూడాలి.