https://www.teluguwishesh.com/
TSPSC Assistant MVI Recruitment 2022 తెలంగాణలో అసిస్టెంట్ ఎంవీఐ పోస్టుల భర్తీకి నోటిఫికేషన్
తెలంగాణలోని నిరుద్యోగ యువతను ప్రసన్నం చేసుకునేందుకు ప్రభుత్వం వారికి ఇచ్చిన మాటను నిలబెట్టుకునే ప్రయత్నాలు ముమ్మరం చేస్తోంది. ఇప్పటికే పలు నోటిఫికేషన్లు, విడుదల చేసి నిరుద్యోగ యువతకు ఆశలు రేపిన ప్రభుత్వం తాజాగా రాష్ట్ర రవాణాశాఖలోని ఉద్యోగాల కోసం కూడా నోటిఫికేషన్ విడుదల చేసింది. అసిస్టెంట్ మోటార్‌ వెహికల్‌ ఇన్‌స్పెక్టర్‌ (ఏఎంవీఐ) పోస్టుల భర్తీకి నోటిఫికేషన్ విడుదలైంది. రవాణా శాఖ పరిధిలో మొత్తంగా 113 ఏఎంవీఐ ఉద్యోగాలను భర్తీ చేయనున్నట్టు తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్ పీఎస్సీ) ప్రకటించింది.
తెలంగాణలో అసిస్టెంట్ మోటార్‌ వెహికల్‌ ఇన్‌స్పెక్టర్‌ (ఏఎంవీఐ) పోస్టులకు ఆగస్టు 5 వ తేదీ నుంచి సెప్టెంబర్ 5వ తేదీ వరకు దరఖాస్తులు స్వీకరించనున్నారు. టీఎస్ పీఎస్సీ వెబ్ సైట్ లో ఆన్ లైన్ విధానంలో దరఖాస్తులు స్వీకరిస్తామని టీఎస్ పీఎస్సీ కార్యదర్శి వెల్లడించారు. అభ్యర్థుల అర్హతలు, ఇతర అంశాలు, నోటిఫికేషన్ పూర్తి వివరాలను టీఎస్ పీఎస్సీ వెబ్ సైట్ www.tspsc.gov.in లో పొందవచ్చని తెలిపారు.
తెలంగాణలో మొత్తంగా 80 వేలకుపైగా ఉద్యోగాలను భర్తీ చేయనున్నట్టు గతంలో జరిగిన అసెంబ్లీ సమావేశాల్లో సీఎం కేసీఆర్ ప్రకటించారని.. అందులో భాగంగానే ఇప్పటికే పలు నోటీఫికేషన్లు విడుదల కాగా, తాజాగా రవాణా శాఖలో ఖాళీల భర్తీకి నోటిఫికేషన్ జారీ అయిందని సీఎం కార్యాలయ వర్గాలు తెలిపాయి. తెలంగాణ ప్రభుత్వం ఉద్యోగాల భర్తీ విషయంలో వేగంగా అడుగులు వేస్తోందని.. ఇప్పటికే గ్రూప్‌-1, పోలీసు శాఖతోపాటు వివిధ ఉద్యోగాల భర్తీకి నోటిఫికేషన్లు విడుదల చేసిందని పేర్కొన్నాయి.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
