Victim identifies all accused in Gang rape case జూబ్లీహిల్స్ అత్యాచార కేసు: నిందితులకు డీఎన్‌ఏ పరీక్షలు

Jubilee hills amnesia pub gang rape victim identifies 6 accused

victim identified all accused in jubilee hills gangrape case, accused to undergo dna tests, TIP of Saduddin Malik in Chanchalguda Jail, TIP of five accused Juvenile, Jubilee hills gangrape case, Amnesia pub, Peddamma temple, Test Identification Parade, Victim, Justice, Hyderabad police, Telangana, Crime

The Test Identification Parade (TIP) of the six accused in the gang rape case of Jubilee Hills, was conducted. During the TIP, the victim, 17, identified the accused persons as those involved in the offence, sources confirmed. Their bail pleas have already been dismissed. City police investigating the case had earlier filed a petition before the court and the Juvenile Justice Board (JJB) seeking the TIP of all accused, including five minors.

జూబ్లీహిల్స్ అత్యాచార కేసు: న్యాయమూర్తి సమక్షంలో నిందితులను గుర్తింపు

Posted: 06/27/2022 06:59 PM IST
Jubilee hills amnesia pub gang rape victim identifies 6 accused

దేశవ్యాప్తంగా సంచలనం సృష్టించిన జూబ్లీహిల్స్‌ మైనర్ బాలికపై సామూహిక అత్యాచారం కేసులో కీలక ఘట్టానికి తెరలేచింది. పెను సంచలనంగా మారిన ఈ కేసులో నత్తనడకన దర్యాప్తు సాగుతుందని పోలీసులు విమర్శలను ఎదుర్కోన్న విషయం తెలిసిందే. దీంతో దర్యాప్తును వేగవంతం చేసిన పోలీసులు నిందితుల గుర్తింపు ప్రక్రియ (టెస్ట్ ఐడెంటిఫికేషన్ పరేడ్)ను నిర్వహించారు. న్యాయమూర్తి సమక్షంలో నిందితుల గుర్తింపు ప్రక్రియను పోలీసులు పూర్తి చేశారు. అత్యాచారానికి గురైన మైనర్ బాలికను చంచల్ గూడ జైలుకు పోలీసులు తీసుకెళ్లారు.

న్యాయమూర్తి సమక్షంలో ప్రధాన నిందితుడు సాదుద్దీన్‌ను అమె గుర్తుపట్టారు, అక్కడి నుంచి సైదాబాద్‌లోని జువైనల్ హోంకు తీసుకొచ్చి ఐదుగురు మైనర్ బాలుర గుర్తింపు ప్రక్రియను పూర్తి చేశారు. నిందితులందరినీ మైనర్ బాలిక గుర్తించింది. బాధితురాలు తెలిపిన వివరాలను న్యాయమూర్తి నమోదు చేసుకున్నారు. మరోవైపు అత్యాచారం కేసులో నిందితులకు డీఎన్ఏ పరీక్షలు నిర్వహించేందుకు పోలీసులు సిద్ధమవుతున్నారు. వారి డీఎన్ఏ సేకరించడానికి అనుమతివ్వాలని జూబ్లీహిల్స్ పోలీసులు నాంపల్లి కోర్టును ఆశ్రయించగా, అందుకు అనుమతి లభించింది. నిందితుల డీఎన్ఏ సేకరించి ఫోరెన్సిక్ ల్యాబ్‌కు పంపించనున్నారు.

అత్యాచారం జరిగిందని పోలీసులు చెబుతున్న ఇన్నోవా వాహనంలో క్లూస్ టీం ఇప్పటికే పలు ఆధారాలు సేకరించింది. డీఎన్ఏ నివేదికతో ఇన్నోవా వాహనంలో దొరికిన ఆధారాలను పోల్చనున్నారు. నిందితులు ఇన్నోవాలోనే ఉన్నారని పక్కాగా నిరూపించడానికి పోలీసులకు డీఎన్ఏ నివేదిక ఎంతో కీలకం కానుంది. అవసరమైతే బాధితురాలి డీఎన్ఏను సేకరించేందుకు కోర్టు అనుమతి తీసుకునే యోచనలో పోలీసులు ఉన్నట్లు తెలుస్తోంది. మైనర్ల బెయిల్ పిటిషన్ తిరస్కరణకు గురైన విషయం తెలిసిందే. నిందితులు విదేశాలకు పారిపోకుండా ముందస్తు జాగ్రత్తగా వారి పాస్‌పోర్టులను సీజ్ చేసేందుకు అనుమతివ్వాలని పోలీసులు కోర్టును ఆశ్రయించనున్నారని సమాచారం.

If you enjoyed this Post, Sign up for Newsletter

(And get your daily news straight to your inbox)

Other Articles