ITEMVIDEOS: ఈ గొలుసు దొంగది నిజంగా బ్యాడ్ టైమే..

Posted: 12/06/2018 04:54 PM IST

మన తెలుగు సినిమాల్లో చెప్పినట్లు టైం బాగుంటే.. పామును పట్టుకున్న తాడవుతుందని, అదే వెక్కిరిస్తే.. ఎంత బాగా ప్లాన్ చేసినా.. చివరాఖరున ఏదో ఉపద్రవం వచ్చిపడుతుందని.. టైమ్ రా టైం అంటూరు. సరిగ్గా అలాగే జరిగింది ఈ ఘటన. ఈ దొంగ టైం కూడా ఏ మాత్రం బాగోలేదో. ఎందుకంటే అన్న వివరాల్లోకి వెళ్లే ముందు.. తానోకటి తలిస్తే.. దైవం మరోటి తలచిందన్నట్లు అడ్డంగా దొరికిపోయి బుకైన ఈ దొంగతనం ఘటనను చూసి నవ్వు అపుకోలేరు.

కొత్తగా దొంగతనాలు చేయడం మొదలెట్టాడో లేక... కంగారులో కన్ఫ్యూజ్ అయ్యాడో కాని చోరీ చేయబోయి... అడ్డంగా బుక్కయ్యాడు. దొంగ ప్రవర్తనను ముందుగానే గుర్తించి, జాగ్రత్త పడిన ఆ షాపు యజమాని సమయస్ఫూర్తితో వ్యవహారించి... దొంగను పట్టుకున్నాడు. నగల దుకాణంలోకి ఎంటరైన ఓ యువకుడు... ఓ ఖరీదైన నగను చూపించమని కోరాడు. అడిగిన వెంటనే ఆ నగను తీసి చూపించాడా షాపులో సేల్స్ మెన్. దాన్ని మెడలో వేసుకుని కొద్దిసేపు ఎలా ఉందో చెక్ చేసుకుంటున్నట్టుగా నటించాడు.

సేల్స్ మెన్ కొద్దిగా పక్కకు తిరగానే పరుగెత్తి పారిపోవాలని ప్రయత్నించాడు. ఔనా.! అంటున్నారా.. పరుగు లంఖించుకున్నాడు. అయితే తీరా డోర్ వద్దకు వెళ్లగానే అది తెరుచుకోలేదు. మనోడి పరిస్థితి జులాయి చిత్రంలో బ్రహ్మానందం దొంగతనంలా మారింది. ఇక తెల్లముఖం వేసుకున్న దోంగ ఏం చేయాలో తెలియని పరిస్థితికి చేరుకున్నాడు. ఇంకేం చేసినా డోర్ తప్పించుకోలేనని అర్థం చేసుకుని... వెనక్కి వచ్చి మెడలో వేసుకున్న నెక్లెస్ ను తీసి ఇచ్చేశాడు. షాపు యజమాని పోలీసులకు ఫిర్యాదు చేయడంతో... వాళ్లు వచ్చి మనోడిని అరెస్ట్ చేశారు.

ఇంతకీ డోర్ ఎందుకు తెరుచుకోలేదు.. అనేగా మీ డౌట్. అతను నగల షాపులోకి వస్తున్నప్పుడే అతని ప్రవర్తనను గుర్తించిన షాపు యజమాని.. ముందు జాగ్రత్త చర్యగా రిమోట్ కంట్రోలర్ ద్వారా డోర్స్ లాక్ చేశాడు. ఈ విషయం తెలియని కుర్ర దొంగ ఎంత ప్రయత్నించినా డోర్ తెరుచుకోలేదు. థాయిలాండ్ లో నవంబర్ 30న జరిగిన ఈ విచిత్ర సంఘటన మొత్తం సీసీటీవీ కెమెరాల్లో రికార్డైంది. దాన్ని కాస్తా యూట్యూబ్‌లో పోస్ట్ చేయడంతో వైరల్‌గా మారింది. ఈ వీడియో చూసినవాళ్లందరూ బ్యాడ్ లక్ అంటే మనోడిదే... అంటూ కామెంట్ చేస్తున్నారు. ఇక అలస్యమెందుకూ మీరూ ఈ వీడియోను చూడండీ..