Fish Instigates Fight Among Workers చేప, చేప ఏం చేయగలవ్.. అని అడిగితే..?

Fish instigates fight among workers

bridge works, bihar, west bengal, fish curry, labour, workers, SI Hari Singh, inebriated condition, bhadrachalam bridge workers, Fish curry Instigates Fight, Bihar and West Bengal

A demand to be served fish curry led to fish fight between two group of workers at Bhadrachalam town

చేప, చేప ఏం చేయగలవ్.. రెండు రాష్ట్రాల మధ్య తగవు పెట్టగలనందీ..!

Posted: 06/13/2017 06:56 PM IST
Fish instigates fight among workers

ఆ రాష్ట్రం వారికి చేపల కూర అంటే ప్రాణం. ఓ విధంగా చెప్పాలంటే ఆ రాష్ట్రం వారు చేపలతో 365 రకాల తీపి పదార్థాలను కూడా వండుకుని తినగలరు. దీన్ని బట్టి వారికి చేపలంటే ఎంత ఇష్టమో అర్థమైతుంది కదూ. సాధారణంగానే వారు చేపలంటే చెవికోసుకుంటారు. మరి అందునా ఫుల్ గా మద్యం సేవించి ఉన్నాక.. తమ పోరుగువారు చేపల కూర వండుకున్నారని తెలస్తే ఇంకేమైనా వుందా..? మాకు కొంచెం పెట్టరూ అని అడగటం వేరు.. మాకు చేపల కూర కావాలని డిమాండ్ చేయడం వేరు. ఇంకేముంది నిన్నమొన్నటి దాక అన్నదమ్ములా కలసివున్న కార్మికులు కాస్తా.. వైరివర్గమైపోయారు. చేపల కూర వండుకుని తింటున్నవారిపై దాడులకు తెగబడ్డారు.

భద్రాచలం పోలీస్‌స్టేషన్ ఏఎస్సై బి.హరిసింగ్‌ తెలిపిన వివరాలు మేరకు వివరాలిలా వున్నాయి. గోదావరిపై జరుగుతున్న రెండవ వారధి నిర్మాణ పనుల నిమిత్తం బీహార్, పశ్చిమ బెంగాల్‌కు చెందిన పలువురు కార్మికులు వలస పనిచేస్తున్నారు. బీహార్‌కు చెందిన కార్మికులు చేపలు తెచ్చుకొని వంట చేసుకొని తినటానికి సిద్ధంకాగా, మద్యం సేవించి అప్పుడే అక్కడకు వచ్చిన పశ్చిమ బెంగాల్ కార్మికులు తమకు కూడా చేపల కూర కావాలని డిమాండ్ చేశారు.
 
తాము డబ్బులు పెట్టుకుని చేపలు కొని కూర చేసుకుంటే ఏకంగా 12 మంది వచ్చి తమకు చేపల కూర కావాలని డిమాండ్ చేయడంతో బీహార్‌ కార్మికులు ఇచ్చేది లేదని చెప్పారు. దీంతో ఇరురాష్ట్రల కార్మికులకు మధ్య వాగ్వాదం చోటుచేసుకుంది. అంతే పశ్చిమ బెంగాల్ కు చెందిన కార్మికులు ఆగ్రహంతో అక్కడే ఉన్న కర్రలు, ఇనుప రాడ్లతో వారిపై దాడికి దిగారు. ఈ దాడిలో తీవ్రంగా గాయపడిన పలువురిని సెక్యూరిటీ సిబ్బంది పట్టణంలోని ఓ ప్రైవేట్‌ ఆస్పత్రికి తరలించారు. పశ్చిమ బెంగాల్ కు చెందిన కార్మికులపై పోలీసులు కేసు నమోదు చేసి దర్యాప్తు చేస్తున్నారు.

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : workers  bhadrachalam  Fish curry  Bihar  West Bengal  

Other Articles

Today on Telugu Wishesh