టర్కీ అమెరికా ఎంబస్సీ ఎదుట కాల్పుల కలకలం..

Posted: 12/20/2016 04:21 PM IST

టర్కీ రాజధాని అంకారాలోని ఓ ఫొటో ఎగ్జిబిషన్ ప్రారంభ కార్యక్రమంలో ప్రసంగిస్తున్న రష్యా రాయబారిని ఓ అనుమానిత ఉగ్రవాది కాల్చిచంపిన ఘటన జరిగి 24 గంటలు కూడా గడవక ముందే మరో దారుణ ఘటన చోటుచేసుకుంది. సిటీలో ఓ ఎగ్జిబిషన్ లో టర్కీలో రష్యా రాయబారి ఆండ్రీ కర్లోవ్‌ మాట్లాడుతుండగా వెనకనుంచి వచ్చిన ఆగంతకుడు గన్ తో ఆండ్రీపై విచక్షణరహితంగా కాల్పులు జరిపి హతమార్చాడు. ఈ ఘటన మిగిల్చిన విషాధచాయల నుంచి కోలుకుంటున్న తరుణంలో మరో హింస్మాత్మ ఘటన చోటుచేసుకుంది.

అంకారాలోని అమెరికా రాయబార కార్యాలయం ముందు ఓ వ్యక్తి కాల్పులకు తెగబడ్డాడు. నల్లటి కోటు ధరించి వచ్చిన ఆ ఆగంతుకుడు... గాల్లోకి ఎనిమిది రౌండ్ల కాల్పులు జరిపాడు. అనంతరం ఎంబసీలోకి చొరబడేందుకు యత్నించాడు. కాని, అక్కడ ఉన్న గార్డులు అతన్ని సమయస్ఫూర్తితో ఎదుర్కొని... అతడిని పట్టుకున్నారు. చేతిలోని గన్ ను లాక్కుని, అదుపులోకి తీసుకున్నారు. ఈ ఘటనలో ఎవరికీ ఎలాంటి గాయలు కాలేదు. కానీ, వరుసగా రెండో ఘటన జరగడంతో అక్కడి అధికారులు అలర్ట్ అయ్యారు. దీంతో ఏ క్షణం ఏం  జరుగుతుందోనన్న అందోళనకు టర్నీ వాసులు గురవుతున్నారు.