కేంద్ర మంత్రి కారు ఢీకొని యువకుడు మృతి

Posted: 07/10/2016 01:12 PM IST

కేంద్ర మంత్రికి చెందిన కారు ఓ పద్దెనిమిదేళ్ల యువకుడి ప్రాణాలు బలితీసుకుంది. కేంద్రమంత్రికి చెందిన కారు ఢీకొని పద్దెనిమిదేళ్ల యువకుడు తన ప్రాణాలు కోల్పోయాడు. బీహార్ రాష్ట్రం రాజధానిలోని పాట్నా జిల్లాలో ఈ ఘటన చోటుచేసుకుంది. ఇవాళ ఉదయం కేంద్రమంత్రి రామ్ కృపాల్ యాదవ్ వెళుతుండగా ఆయనకు రక్షణగా వస్తున్న కాన్వాయ్ లో ఓ కారు సరిగ్గా డెహ్రాడూన్ అనే గ్రామం వద్ద రాహుల్ కుమార్ అనే యువకుడు బైక్ పై వస్తుండగా ఢీకొట్టింది.

ఈ కారులో ఉన్న మంత్రి ఆరుగురి సిబ్బంది కూడా గాయాలపాలయ్యారు. ఈ ప్రమాదంలో బైక్ పూర్తిగా ధ్వంసం అయింది. ఢీకొట్టిన కారు పూర్తిగా పల్టీలు కొట్టింది. ఈ సందర్భంగా మంత్రి రామ్ కృపాల్ తీవ్ర విచారం వ్యక్తం చేశారు. బాధితుడి కుటుంబంపట్ల సంతాపం వ్యక్తం చేశాడు. ఈ ప్రమాదం అనుకోకుండా జరిగిందని అన్నారు. భాదిత కుటుంబాన్ని అన్ని విధాలా అదుకుంటామని హామి ఇచ్చారు.