కృఫ్ణాకు పారిపోయిన సిమీ ఉగ్రవాది..? గన్ చూపి బంగారం దోపిడి

Posted: 04/06/2015 10:18 AM IST

Unknown person shows revolver robs cash gold in nandigama

కృష్ణా జిల్లా నందిగామాలో కలకలం రేగింది. నందిగామాలోని హనుమంతపాలెంలో దుండగులు గన్ చూపి బంగారాన్ని దోచుకున్నారన్న వార్తలో విజయవాడ పోలీసులు అప్రమత్తం అయ్యారు. నల్గొండ జిల్లాలో పోలీసులు మరణానికి మరికోందరు పోలీసు అధికారుల గాయాలకు కారణమైన సెమీ ఉగ్రవాదులలో మిగిలిన ముగ్గురు ఉగ్రవాదులు వీళ్లేనా అన్న కోణంలో పోలీసులు ముమ్మరంగా తనిఖీలు చేస్తున్నారు. ఇద్దరు ఉగ్రవాదులను పోలీసులు అక్కడే మట్టుబెట్టడంతో మిగిలిన ముగ్గరు పారిపోతూ ఇలా దోపిడీలకు పాల్పడ్డారా అన్న కోణంలో పోలీసులు దర్యాప్తు ప్రారంభించారు.

పోలీసులు తెలిపిన సమాచారం మేరకు వివరాలు ఇలా వున్నాయి.. విజయవాడ నుంచి హైదరాబాద్ వెళుతున్న సురేష్ కుమార్ అనే వ్యాపారిని సోమవారం ఉదయం ఓ వ్యక్తి గొల్లపూడి వద్ద లిప్ట్ అడిగాడు. కోదాడలో దిగిపోతానని చెప్పటంతో లిప్ట్ ఇచ్చాడు. నందిగామ మండలం హనుమంతపాలెం సమీపంలో ఆ వ్యక్తి తన వద్ద ఉన్న తుపాకీతో వ్యాపారిని బెదిరించి 3 బంగారపు ఉంగరాలు, గొలుసుతో పాటు నగదు దోచుకున్నాడు. అంతేకాకుండా ఈ విషయాన్ని ఎవరికైనా చెబితే చంపేస్తానంటూ సెల్ఫోన్లో వ్యాపారి ఫోటో తీసుకున్నట్లు తెలుస్తోంది. ఈ సంఘటనతో భయభ్రాంతులకు గురైన వ్యాపారి నందిగామ డీఎస్పీ రాదేశ్ మురళికి ఫిర్యాదు చేశాడు. దుండగులు నందిగామ- జగయ్యపేట హైవే వైపు పోలాల్లోకి పరిగెట్టి వెళ్లాడని బాధితుడు పోలీసులకు సమాచారం అందించడంతో.. ఈ హైవేపై ముమ్మర తనిఖీలు చేస్తున్నారు. పలు పెట్రోలింగ్ టీమ్ లు కూడా రంగంలోకి దిగి క్షుణ్ణంగా ఆయా ప్రాంతాలను జల్లెడ పడుతున్నాయి.

నల్గొండ జిల్లాలో సెమీ ఉద్రవాదులు చేసిన ఘటనలు వెలుగులోకి రావడంతో.. దోపిడి దోంగలు ఇలా దారిదోపిడీకి పాల్పడ్డారా..? అన్న కోణంలో పోలీసులు దర్యాప్తు చేస్తున్నారు. దీంతో పాటు నల్గోండ జిల్లాలో మిగిలిన సెమీ ఉగ్రవాదులు నక్కినట్టు పోలీసుల బావించి జిల్లా యావత్తు జల్లెడ పడుతున్న నేపథ్యంలో కృష్ణా జిల్లాలోని సదరు ఉగ్రవాద సంస్థకు చెందిన వారు పోలీసులు దృష్టి మరల్చడానికే ఇలాంటి ఘటనలకు పాల్పడి వుంటారా..? అన్న కోణంలోనూ పోలీసులు దర్యాప్తు ప్రారంభించారు.

జి. మనోహర్