Posted: 08/04/2012 10:57 AM IST

ప్రేమ అనేది ఎప్పుడు ఎలా పుడుతుందో ఎవ్వరికి తెలియాదు  కానీ.. ఎలాంటి వారైన ఆ ప్రేమకు దాసోహం అవ్వల్సిందే అని నిరూపించారు  ఈ వయస్సులో పెద్దవారు. ఆమెకు 52.. ఆయన వయస్సు 67! కట్టుకున్న వాళ్లు దూరమయ్యారు. పిల్లలు రెక్కలొచ్చి ఎగిరిపోయారు. ఒంటరిగా మిగిలిపోయిన వీరిద్దరూ తమకూ ఓ తోడుంటే బావుండనుకున్నారు. అనుకున్నదే తడవుగా స్థానిక ఆర్యవైశ్య భవన్‌లో వివాహ పరిచయ వేదికలో పేర్లు నమోదు చేసుకున్నారు. వారి వివరాలు పరిశీలించిన పెద్దలు ఇద్దరికీ జత కుదిర్చారు. విశాఖకు చెందిన ఉక్కిళ్ల నాగమణి, నర్సీపట్నం సమీపంలోని మాకవరపాలెంకు చెందిన ముడివరపు సూర్యనారాయణలు సింహాచలం కొండదిగువున శుక్రవారం పూల దండలు మార్చుకుని పెళ్లి చేసుకున్నారు. కొసమెరుపేమంటే.. ఒకరినొకరు అర్థం చేసుకునేందుకు ఓ నాలుగేళ్లు ఆగి మరీ ఇప్పుడు ఒక్కటయ్యారు.