Posted: 07/07/2012 11:26 AM IST

యూపీఏ రాష్ట్రపతి అభ్యర్థిగా ప్రణబ్ ముఖర్జీ కి లైన్ క్లియర్ చేసిన కాంగ్రెస్ అధిష్టానం ఇప్పుడు ఉపరాష్ట్రపతి అభ్యర్థి ఎంపికలో నిమగ్నమైంది. ఉపరాష్ట్రపతి ఎన్నికకు షెడ్యూలు విడుదల అయిన నేపథ్యంలో అభ్యర్థి ఎంపిక ప్రక్రియను వేగవంతం చేసింది. అభ్యర్థి ఎంపిక కోసం సోనియా నేతృత్వంలో ప్రధాని మన్మోహన్ సింగ్ సమక్షంలో జరిగిన కాంగ్రెస్ కోర్ కమిటీ సమావేశం నిర్వహించింది. ఈ సమావేశంలో గిరిజన నేత, ప్రస్తుత కేంద్ర మంత్రి అయిన కిశోర్ చంద్రదేవ్ పేరును పరిశీలించినట్లు సమాచారం.  ఉప రాష్ట్రపతి పదవికి సంబంధించి ప్రస్తుత ఉప రాష్ట్రపతి అన్సారీ, కేంద్ర మంత్రి కిషోర్ చంద్రదేవ్, నాగాలాండ్ మాజీ ముఖ్యమంత్రి ఎస్.సి.జమీర్‌ల పేర్లు ఈ భేటీలో చర్చకు వచ్చాయి. మరి వీరిలో ఎవరిని ఉప రాష్ట్రపతి పదవి వరిస్తుందో చూడాలి.