అల్లు అర్జున్

Posted: 10/25/2014 06:29 PM IST

‘‘స్టైలిష్ స్టార్’’గా టాలీవుడ్ లో తనకంటూ ఒక ప్రత్యేక గుర్తింపు తెచ్చుకున్న హీరో అల్లుఅర్జున్! మెగా కుటుంబం నుంచి వచ్చిన ఈ హీరో.. క్లాస్, మాస్ ఆడియెన్స్ తన యాక్టింగ్ స్కిల్స్ ద్వారా మైమరిపించేస్తాడు. ఇండస్ట్రీలోకి వచ్చిన అనతికాలంలోనే అగ్రహీరోల జాబితాలోకి చేరిపోయి... బాక్సాఫీస్ దగ్గర రికార్డు బద్దలుకొడుతున్నాడు. ఇంకొక ముఖ్యమైన విషయం ఏమిటంటే.. ఇతనికి మలయాళంలో సైతం భారీగానే ఫ్యాన్ ఫాలోయింగ్ వుంది. అలా ఫ్యాన్స్ ను తనవైపు తిప్పుకోవడంలో కేవలం బన్నీకి మాత్రమే సాధ్యమైంది.

ప్రస్తుతం ‘‘రుద్రమదేవి’’ సినిమాలో గోనగన్నారెడ్డి క్యారెక్టర్ లో నటిస్తున్న ఈ స్టైలిష్ స్టార్ ఫస్ట్ లుక్ టాలీవుడ్ ల సంచలనంగా నిలిచిపోయింది. మునుపెన్నడూలేని విధంగా సరికొత్త గెటప్ లో కనువిందు చేసిన అల్లు.. ఆ సినిమాలో తన పాత్ర ఎలా వుండబోతోందోనని అభిమానులు ఆతృతగా ఎదురుచూస్తున్నారు. మరోవైపు త్రివిక్రమ్ శ్రీనివాస్ దర్శకత్వంలో తెరకెక్కుతున్న తాజా సినిమాలోనూ నటించనున్నాడు. ఈ మూవీకి సంబంధించి ఇంకా అధికారికంగా వార్తలు వెలువడలేదు కానీ.. అందులో అల్లుఅర్జున్ మాత్రం వెడ్డింగ్ ప్లానర్ గా నటిస్తున్నాడనే పుకార్లు ఇండస్ట్రీలో చక్కర్లు కొడుతున్నాయి. ఇందులో ఇతని సరసన సమంత, నిత్యామీనన్, అదాశర్మలు కథానాయికలుగా నటిస్తున్నట్టు సమాచారం!