చర్మకాంతి కోసం గుమ్మడి-గుడ్డు ఫేస్’ప్యాక్..

Posted: 01/13/2015 03:43 PM IST

ముఖవర్ఛస్సును మరింతగా మెరుగుపర్చుకోవడం కోసం ఎన్నోరకాల ఫేస్ ప్యాక్స్ అందుబాటులో వున్నాయి. ప్రకృతిలో లభించే సహజ వనరుల ద్వారా తయారుచేసే ఈ ఫేస్ ప్యాక్స్’లలో చర్మానికి కావలసిన ఎన్నో పోషకాలు పుష్కలంగా వుంటాయి కాబట్టి.. అవి చర్మకాంతిని పెంచడంతోబాటు చర్మాన్ని ఆరోగ్యంగా వుంచడంలో ప్రముఖపాత్రను పోషిస్తాయి. మార్కెట్’లో లభించే బ్యూటీ ప్రొడక్ట్స్’ను వాడటం కన్నా.. అలాగే రెగ్యులర్’గా బ్యూటీ పార్లర్’కు వెళ్లడం కన్నా.. సహజవనరుల ద్వారా తయారయ్యే ఫేస్ ప్యాక్స్’ను వాడటమే ఎంతో శ్రేయస్కరం. అయితే.. వీటిని ఇంట్లోనే చేసుకుని ముఖానికి పట్టిస్తే.. మరింత మంచిది.

ప్రస్తుతం అమలులో వున్న వివిధరకాల ఫేస్ ప్యాక్’లలో గుమ్మడి-గుడ్డు ఫేస్ ప్యాక్ ఒకటి! ఇందులో వుండే గుమ్మడికాయ, గుడ్డులో ఎన్నోరకాల పోషక విలువలు నిల్వవుంటాయని అందరికీ తెలిసిందే! అవి.. చర్మంలోని కణాల పనితీరును ఉత్తేజపరిచి.. చర్మ ఆరోగ్యాన్ని కాపాడటంలో కీలకపాత్రను పోషిస్తాయి. కాబట్టి.. ఈ రకమైన ఫేస్ ప్యాక్ చర్మానికి ఎంతో మంచిది. మరి.. దీన్నెలా చేస్తారో, ఎలా అప్లై చేయాలో తెలుసుకుందామా...

గుమ్మడి-గుడ్డు ఫేస్ ప్యాక్:

* ఒక గుడ్డులోని తెల్లసొనకు గుమ్మడి గుజ్జు, పాలు, తేనెను చేర్చి బాగా మిక్స్ చేసుకోవాలి. ఈ మిశ్రమాన్ని ముఖానికి, మెడకు పట్టించుకోవాలి. 15 నిముషాలవరకు అలాగే వుంచిన తర్వాత చల్లని నీటితో శుభ్రపరుచుకోవాలి. ఇలా చేస్తే మొటిమలు పూర్తిగా తొలగిపోయి.. చర్మం కాంతివంతంగా, సౌందర్యంగా తయారవుతుంది.

* అలాగే గుమ్మడికాయను చిన్నచిన్న ముక్కలుగా కట్ చేసి మిక్సీలో వేసి మెత్తని పేస్టులా రుబ్బుకోవాలి. ఈ పేస్టును సున్నితంగా ముఖానికి పట్టించుకోవాలి. 10 నిముషాల తర్వాత చల్లని నీటితో శుభ్రం చేసుకోవాలి. ఇలా ప్రతిరోజూ చేస్తే.. అద్భుతమైన మార్పును గమనించవచ్చు.