నిమ్మ మర్దనతో మృదువైన చర్మం..

Posted: 01/31/2015 04:18 PM IST

మారుతున్న వాతావరణ పరిస్థితులు, వాయుకాలుష్యం చర్మసౌందర్యాన్ని దెబ్బతీస్తాయి. ముఖ్యంగా మృదువుగా వుండే చర్మం పాలిపోయినట్లుగా మారుతుంది. దీంతో చర్మసౌందర్యం కూడా దెబ్బతింటుంది. ఇలా కోల్పోయిన చర్మసౌందర్యం, మృదుత్వాన్ని తిరిగి పొందేందుకు మార్కెట్’లో ఎన్నోరకాల ప్రొడక్ట్’లు, లోషన్లు, క్రీములు అందుబాటులో వున్నాయి. కానీ.. వీటిని రెగ్యులర్’గా చర్మానికి రాసుకోవడం వల్ల చర్మం సహజత్వం కోల్పోతుంది. కాబట్టి.. వీటితోపాటు ప్రకృతిలో లభించే కొన్ని పదార్థాలను జోడిస్తే మంచి ఫలితం పొందవచ్చు.

నిమ్మకాయతో మర్దన :

స్నానం చేసుకునేటప్పుడు ఉపయోగించే సబ్బులు, షవర్ బాత్, వేడి నీటి వల్ల మృదువైన చర్మంలో నూనె శాతం తగ్గి అది గరుకుగా మారుతుంది. అటువంటి సమయంలో స్నానం చేయడానికి ముందు నిమ్మకాయను కోసం, ఆ ముక్కలను శరీరమంతా మృదువుగా మర్దన చేసుకోవాలి. పదినిముషాలు అలాగే వున్న తర్వాత గోరువెచ్చని నీటితో స్నానం చేసుకోవాలి. తద్వారా శరీరం తిరిగి మృదువుగా మారుతుంది.

అంతేకాదు.. నిమ్మకాయతో ఇంకా ఎన్నోరకాల రెమెడీలను తయారుచేసుకుని చర్మసౌందర్యాన్ని పెంపొందించుకోవచ్చు. ఉదయాన్నే లేవగానే నిమ్మకాయ జ్యూస్ తయారుచేసుకుని తాగితే శరీర ఆరోగ్యానికి ఎంతో మంచిది. అలాగే ముఖానికి రాసుకుని, కొద్దిసేపు తర్వాత శుభ్రం చేసుకుంటే మొటిమలు తొలిగిపోతాయి. ఇక లెమన్ టీ చేసుకుని తాగితే జీర్ణక్రియ మెరుగుపడుతుంది. ఇందులో వుండే విటమన్ సి ఎన్నో ప్రయోజనాలను కలిగిస్తుంది.