నట్స్ బ్యూటీ ప్యాక్’తో సౌందర్యం...

Posted: 01/10/2015 06:09 PM IST

చర్మసౌందర్యాన్ని, ముఖవర్ఛస్సుకు మరింతగా మెరుగుపరుచుకునేందుకు ఎన్నోరకాల బ్యూటీ ప్రొడక్ట్స్’తో పాటు కొన్నిరకాల ఫేస్ ప్యాక్స్ కూడా అందుబాటులో వున్నాయి. సాధారణంగా ఈ బ్యూటీ ఫేస్ ప్యాక్స్ బ్యూటీపార్లర్లలోనే అందుబాటులో వుంటాయి. అయితే.. అందుకు ఎక్కువ డబ్బులు వెచ్చించాల్సి వుంటుంది. కాబట్టి.. అలా కాకుండా ఇంట్లోనే కొన్ని ఫేస్ ప్యాక్స్’ను తయారుచేసుకుంటే పద్ధతిప్రకారం అప్లై చేసుకుంటే.. అద్భుతమైన సౌందర్యాన్ని సొంతం చేసుకోవచ్చు.

నిజానికి ముఖవర్ఛస్సుకు మెరుగుపర్చుకునేందుకు వున్న ఎన్నోరకాల ఫేస్ ప్యాక్స్ వున్నాయి. అందులో నట్స్’తో చేసుకునే ఫేస్ ప్యాక్ సహజత్వంతో కూడిన సౌందర్యాన్ని అందిస్తుంది. ఇందులో వుండే పోషక విలువలు చర్మకణాలను ఉత్తేజపరిచి.. నిత్యం యవ్వనంలా వుండే విధంగా చేస్తాయి. అలాగే.. ముఖంపై వుండే మొటిమలను, మచ్చలను పూర్తిగా తొలగించడంతోబాటు చర్మం పొడిబారకుండా చేస్తాయి. మరి.. ఈ రకమైన ప్యాక్’ని ఎలా చేస్తారో తెలుసుకుందామా...

నట్స్’తో ఫేస్ ప్యాక్ తయారీ విధానం :

- ముందుగా 20 బాదం, జీడిపప్పు, పిస్తా పలుకును మిక్సీ జార్’లో వేసి గ్రైండ్ చేసుకోవాలి.

- మరోవైపు పావుకప్పు అవిసె గింజలు, మసూర్ దాల్, ఎండిన నారింజ తొనలు, ఓట్స్’ను వేసి రుబ్బుకోవాలి.

- ఇలా రుబ్బును ఈ రెండింటిని ఓ బౌల్’లో వేసుకోవాలి. తర్వాత ఇందులోనే ఒక టేబుల్ స్పూన్ పసుపు, చిటికెడు కుంకు పూవు, 10-12 స్వీట్ ఆల్మండ్ ఆయిల్ డ్రాప్స్’ను కలుపుకోవాలి.

- ఇప్పుడు ఈ మిశ్రమానికి తేనె, రోజ్ వాటర్’లతో థిక్ స్ర్కబ్’ని తయారుచేసుకోవాలి. ఇలా తయారుచేసుకున్న ఈ బ్యూటీ ప్యాక్’ని ముఖానికి, శరీరానికి పట్టిస్తే మెరుగైన ఫలితాన్ని పొందవచ్చు.