సిఎం అంటే కాల్ మనీ: రోజా

Posted: 12/16/2015 04:12 PM IST

వైసీపీ ఫైర్ బ్రాండ్ రోజా మరోసారి చంద్రబాబు నాయుడు మీద ఆయన ప్రభుత్వం మీద ఫైరయ్యారు. రాష్ట్రవ్యాప్తంగా తీవ్ర సంచలనం రేపిన కాల్ మనీపై రోజా కీలక వ్యాఖ్యలు చేశారు. కాల్ మనీ వ్యవహారంలో తెలుగుదేశం పార్టీ నాయకుల ప్రమేయం మీద ఆమె మండిపడ్డారు. ప్రస్తుతం ఏపి సిఎం నారా చంద్రబాబు నాయుడు అంటే కాల్ మనీ అనే పరిస్థితి వచ్చిందని అన్నారు. ఎన్నో కుటుంబాలను నాశనం చేసిన కాల్ మనీపై చంద్రబాబు నాయుడు ప్రభుత్వాన్ని తాము నిలదీస్తామని రోజా ప్రకటించారు. కాల్ మనీ వ్యవహారం మీద చంద్రబాబు నాయుడు సమాధానం చెప్పేంత వరకు వదిలిపెట్టనని కూడా ఆమె వెల్లడించారు. 25 నుంచి 30 రోజుల పాటు జరగాల్సిన అసెంబ్లీ సమావేశాలను కేవలం ఆరు రోజులకే పరిమితం చేయడం దారుణమని అన్నారు. చంద్రబాబు నీతులు చెబుతారే కాని... స్వతహాగా ఆయన ఏదీ పాటించరని విమర్శించారు.