ప్రజలు సుఖంగా వుండాలంటే...

Posted: 02/12/2015 06:31 PM IST

సీఎం కేసీఆర్ తనయ, నిజామాబాద్ ఎంపీ కల్వకుంట్ల కవిత అప్పుడప్పుడు కొన్ని సంచలన వ్యాఖ్యానలు సంధిస్తూ వార్తల్లో నిలిచిపోతుంటారు. ఆమధ్య పాకిస్తాన్, తెలంగాణాలపై తనదైన రీతిలో కామెంట్లు చేసి, జాతీయ మీడియాలో ఎక్కిన విషయం తెలిసిందే! దాంతో దేశం మొత్తం మీద ఆమె పేరు మారుమోగిపోయింది. ఆ తర్వాత ఆమె తాను చెప్పిన కామెంట్లకు సర్దుబాటు చెప్పుకుంది. అంతేకాదు.. టీడీపీ పార్టీ మీద కూడా తీవ్ర విమర్శలు గుప్పిస్తూ వుంటారు. ఇప్పుడు తాజాగా తనదైన రీతిలో తెలంగాణ ప్రజలకు కొన్ని ఆసక్తికర విషయాలను వెల్లడించారు. ‘‘ప్రజలు సుఖంగా వుండాలంటే..’’ అంటూ ప్రసంగం ప్రారంభించిన ఆమె.. మరిన్ని వ్యాఖ్యానాలు చేశారు.

ఆదిలాబాద్ జిల్లాలో పర్యటించిన ఆమె.. మొదట బెల్లంపల్లిలో జరిగిన సభ్యత్వ నమోదు కార్యక్రమాలోపాల్గొన్నారు. ఈ సందర్భంగా ఆమె మాట్లాడుతూ..
* తెలంగాణ ప్రజలు సంతోషంగా వుండాలంటే టీఆర్ఎస్ పార్టీ అధికారంలో వుండాలని ఆమె ఆకాంక్షించారు.
* రాష్ట్ర ప్రజలకు గులాబీ కండువా శ్రీరామరక్ష వంటిదని ఆమె పేర్కొన్నారు.
* బొగ్గు గని కార్మికుల కష్టాలు తీరుస్తామని, వారి సమస్యలు ఖచ్చితంగా పరిష్కరిస్తామని ఆమె హామీ ఇచ్చారు.

అనంతరం ఆ జిల్లాలోనే ఆసిఫాబాద్’లో తెలంగాణ తల్లి విగ్రహాన్ని కవిత ఆవిష్కరించి, రోడ్ షో నిర్వహించారు. ఈ నేపథ్యంలోనే సభ్యత్వ నమోదు ప్రారంభించారు. ఇందులో భాగంగానే ఆమె ప్రసంగిస్తూ...
* ఏపీ సీఎం తెలంగాణ వ్యవహారాల్లో జోక్యం చేసుకుంటే సహించబోమని అన్నారు.
* సీమాంధ్ర రాజకీయాలు తెలంగాణలో వద్దని ఆమె ప్రజలతో పేర్కొన్నారు.
* ఏపీ సీఎం తమ వ్యవహారాలు తమ రాష్ట్రంలోనే చూసుకుంటే మంచిదని హితువు పలికారు.