చంద్రులిద్దరూ మోసగాళ్ళే

Posted: 09/25/2014 01:15 PM IST

వ్యంగ్యంగా కామెంట్లు చేయటంలో ఆరితేరిన పొంగులేటి సుధాకర్ రెడ్డి మరోసారి స్వరం విప్పారు. తెలుగు రాష్ర్టాల ముఖ్యమంత్రులు ఇద్దరిని కలిపి తిట్టిపోశారు. ఏపీ సీఎం చంద్రబాబు నాయుడు, తెలంగాణ సీఎం చంద్రశేఖర్ రావు.., ఇద్దరు చంద్రులూ మోసగాళ్ళన్నారు. దొందూ దొందే అన్నట్లు ఇద్దరూ రెండు రాష్ర్టాల ప్రజలను మోసం చేస్తున్నారని విమర్శించారు. రుణమాఫీ విషయంలో రెండు ప్రభుత్వాలు రైతులను అన్ని విధాలుగా మోసం చేశాయన్నారు.

* రుణమాఫీపై తెలంగాణ ప్రభుత్వం విఫలమయింది.
* రైతులకు ఇచ్చిన మాఫీ హామిని కేసీఆర్ సరిగా అమలు చేయలేదు.
* విడతల వారిగా రుణమాఫీ చేస్తానన్న చంద్రబాబు ప్రకటన రైతులన్ని మోసం చేయటమే.
* ముంపు మండలాలపై చంద్రబాబు వైఖరి సరికాదు.
* ఛత్తీస్ గఢ్ లో తిరిగే ఓపిక ఉన్న బాబుకు.. ముంపు మండలాల ప్రజల బాధలు తెలుసుకునే సమయం లేదా..?

అని పొంగులేటి సుధాకర్ రెడ్డి, కాంగ్రెస్ నేత మాజి ఎంపి రాజయ్య ప్రశ్నించారు. ఇద్దరు ముఖ్యమంత్రులు తెలుగువారిని మోసం చేసుకుంటూ ప్రభుత్వాలను నడుపుతున్నారని విమర్శించారు. వీరి వ్యవహారం చూస్తున్న తెలుగు ప్రజలు... బుద్ది చెప్పే సమయం వస్తుందన్నారు.

కార్తిక్