నాకు అది ఉంది.. బాబుకు లేదు

Posted: 09/18/2014 01:46 PM IST

ఏపీ ముఖ్యమంత్రి చంద్రబాబుపై ప్రతిపక్ష నేత, వైసీపీ అధినేత జగన్ తీవ్రస్థాయిలో ఫైర్ అయ్యారు. అధికారం కోసం చంద్రబాబు అమలుచేయలేని హామిలను ఇచ్చారని విమర్శించారు. రుణమాఫి అమలు ఆచరణ సాధ్యం కాదు కాబట్టే.. తాము ఎన్నికల్లో ప్రకటించలేదనీ, కాని ముందు వెనక చూసుకోకుండా ఓట్ల కోసం బాబు ఈ హామిని ప్రకటించి అమలు చేయలేక తంటాలు పడుతున్నారని విమర్శించారు. వైసీపి నేతలకు చంద్రబాబులా అబద్దాలు చెప్పటం రాదన్నారు. అనంతపురం జిల్లా నేతలతో గురువారం రోజు జగన్ సమీక్ష సమావేశం నిర్వహించారు. ఎన్నికల్లో పార్టీలకు వచ్చిన ఓట్లపై పరిశీలన జరిపారు.

సార్వత్రిక ఎన్నికల్లో వైసీపీ ఓడిపోయిన చోట్ల తమ నేతలకు టీడీపీతో వచ్చిన ఓట్ల తేడా తక్కువగా ఉందన్నారు. ఇక ఎన్నికల్లో టీడీపీ విజయానికి చంద్రబాబు కారణం కాదనీ.., రుణమాఫీ, కేంద్రంలో మోడి మాత్రమే కారణాలుగా చెప్పారు. తనకు విశ్వసనీయత ఉంటే.., చంద్రబాబుకు అది లేదన్నారు. గత ఎన్నికల్లో తెలిసి.. తెలియక కొన్ని తప్పులు చేశామని వాటిని సరిదిద్దుకుని ప్రజల్లోకి వెళ్తామని జగన్ చెప్పారు. అటు ఒక వర్గం మీడియా కూడా ఎన్నికల సమయంలో బాబుకు అనుకూలంగా అసత్య ప్రచారం చేసి ప్రస్తుతం నిషేధం ఎదుర్కుంటుందని ఆరోపించారు.

కార్తిక్