విశ్వంలో జీవిస్తున్న ప్రతిఒక్క జాతికి భావోద్వేగాలు వుంటాయి. కష్టంలో వున్నప్పుడు దు:ఖం, బాధ, వేదన వంటివి.... సుఖంలో వున్నప్పుడు వుండే సంతోషం వంటివి భావాలు ప్రతిఒక్కరిలో వుంటాయి.
మానవులకు సంబంధించి ఏ భావోద్వేగానికి గురి అయినా... కన్నీరు రావడం సహజం. ఇవి సంతోషంలో వున్నప్పుడూ వస్తాయి... దు:ఖంలోవున్నప్పుడూ వస్తాయి. సంతోషంలో వచ్చిన కన్నీళ్లను మనం ఆనందభాష్పాలుగా చెప్పుకుంటాము.
అయితే ఈ కన్నీళ్లు ఈ విధంగా కారడం వల్ల జీవులు ఎంతో ఆరోగ్యకరంగా వుంటారని నిపుణులు తమ పరిశోదనల ద్వారా వెల్లడించడమే కాకుండా.. వాటివల్ల కలిగే ప్రయోజనాలను కూడా విశదీకరించారు. ఈ విధంగా కన్నీరు స్రవించే విధానాన్ని లాక్రిమేషన్ అని అంటారు.
మనం నిత్యం ఆరోగ్యంగా వుండాలంటే... మనసులో వున్న భావోద్వేగాలను దాచిపెట్టుకోకుండా ఏడ్వడం వల్ల ఆరోగ్యంగా వుంటామని శాస్త్రజ్ఞులు బల్లగుద్దీమరీ చెబుతున్నారు. అలాకాకుండా ఉద్వేగాలను మనసులోనే దాచుకోవడం వల్ల మనం మానసికస్థితికి గురయి... తీవ్ర ఒత్తిడిని అనుభవించాల్సి వుంటుంది. ఇది ఎంతో ప్రమాదకరం. దీని నుంచి గుండెపోటు సంభవించే అవకాశాలు కూడా వున్నాయని నిపుణులు చెబుతున్నారు.
కన్నీటి వల్ల కలిగే ప్రయోజనాలు.....
కన్నీరు పెట్టుకోవడం వల్ల మనసులో వున్న ఉద్వేగాలు బయటికి వచ్చి ఎంతో ప్రశాంతతను కలిగిస్తాయి. దీనివల్ల శరీరంలో వుండే వ్యాధినిరోధక శక్తి కూడా పెరుగుతుంది.
కన్నీటిలో ప్రొటీన్లు, హార్మోన్లు, ప్రొలాక్టిన్, మాంగనీసు, పొటాషియం వంటి పోషక పదార్థాలు వుంటాయి.
మనకు ఏదైనా ఒక దెబ్బతగిలినప్పుడు సాధారణంగా ఆ ప్రదేశంలో రక్తం కారుతుంది. అప్పుడు మనసులో వున్న బాధను కన్నీటి ద్వారా బయటకు పంపించడంతో... అప్పుడు మాంగనీసు పోషకపదార్థం వెలువడి రక్తం గడ్డకట్టడానికి సహాయం చేస్తుంది. అంతేకాదు.. చర్మవ్యాధులను నయం చేయడానికి, శరీరంలో వుండే కొలెస్టిరాల్ మోతాదును తగ్గించడానికి కూడా ఈ మాంగనీసు కొంతమేరకు ఉపయోగపడుతుంది.
అదే విధంగా కన్నీరు పెట్టుకోవడంతో వెలువడే పొటాషియం పోషక పదార్థం... నరాలు శక్తివంతంగా పనిచేయడానికి, బీపీని అదుపులో వుంచడానికి ఉపయోగపడుతుంది.
కన్నీరు బయటకు రావడం వల్ల శరీరంలో వుండే వివిధ అవయవాలు ప్రభావవంతంగా పనిచేయడానికి, ఒత్తిడిని నివారించడానికి, శరీరంలో వ్యాధినిరోధక శక్తి పెంపొందించడానికి ప్రొలాక్టిన్ అనే హార్మోన్ ముఖ్యమైన పాత్రను పోషిస్తుంది.
ఈ విధంగా కన్నీరు పెట్టుకోవడం వల్ల శరీరానికి బలం చేకూర్చడమే కాకుండా నిత్యం ఆరోగ్యంగా వుండొచ్చు.
కన్నీరు స్రవించే విధానాన్ని బట్టి... వీటిని మూడురకాలుగా విభవించవచ్చు. అవి....
1. శుభ్రం చేసే కన్నీరు : క్షీరదాలు తమ కంటిలో వుండే కార్నియాను తడిగా చేసుకోవడానికి, దుమ్మును నివారించి శుభ్రం చేసుకోవడానికి, శరీరంలో పోషక పదార్థాలను అందించుకోవడానికి నిత్యం కన్నీటిని స్రవిస్తాయి. ఈ కన్నీటిలో నీరు, మ్యుసిన్, లిపిడ్లు, లైసోజైములు, లాక్టోఫెర్రిన్, ఇమ్యునోగ్లోబిలిన్లు, గ్లూకోస్, యూరియా, సోడియం, పొటాషియం వంటి అనేక పదార్ధాలు ఉన్నాయి.
2. కలక కన్నీరు : సాధారణంగా ఉల్లిపాయలు తురుముతున్న సమయంలో, మిరియాల పొడి కంటిలో పడడంతో కళ్లనుండి కన్నీరు స్రవిస్తుంది. అదే విధంగా తీవ్రమైన కాంతివల్ల, నోటిలో ఘాటైన పదార్థాలు తీసుకోవడం వల్ల ఇలాగే కన్నీరు స్రవిస్తాయి. ఇటువంటి చర్యలు ద్వారా కళ్లకు కలిగే బాధను తుడిచి వేయడానికి కన్నీరు స్రవిస్తుంది.
3. ఏడవడం వల్ల కన్నీరు : బలమైన భావేద్వేగాలు, దెబ్బతగిలినప్పుడు కలిగే నొప్పి, ఎక్కువ ఒత్తిడికి గురయినప్పుడు కూడా కన్నీరు వెలువడుతుంది. దీంతో మాటలు తడపడటం, శరీరం కంపించడం జరుగుతుంది. ఇటువంటి ఉద్వేగ సమయంలో నరాలలో కలిగే సంకేతాలవల్ల కన్నీరు స్రవిస్తుంది. ఈ తరహారకంలో కన్నీరు కారడం వల్ల ప్రొటీన్ లు, హార్మోన్లు ఎక్కువగా విడుదలవుతాయి.
(And get your daily news straight to your inbox)
Jun 11 | గృహాలంకరణలో భాగంగా రంగులు కీలకమైన పాత్రను పోషిస్తాయి. ఇంటిలోపల, బయట అనుకూలమైన రంగులు వేయిస్తే... ఆ ఇల్లు ఎంతో అందంగా, ఆకర్షణీయంగా, ఉత్సాహకరంగా కనిపిస్తుంది. ప్రస్తుతకాలంలో ఎన్నో కొత్తరకాల రంగులు కూడా మార్కెట్లో లభ్యమవుతున్నాయి.... Read more
May 13 | సాధారణంగా కొత్త ఇంటి నిర్మాణాలను చేపట్టేముందు ప్రతిఒక్కరు తమకు అనుగుణంగా అన్ని కార్యక్రమాలను ముగించుకుంటారు. ఆధ్యాత్మిక సలహాలను కూడా పండితులు లేదా జ్యోతిష్య నిపుణుల నుంచి తీసుకుంటారు. కానీ కొన్ని సందర్భాలలో వాటి అమరికను... Read more
May 01 | ప్రతిరోజు అందరు ఉదయాన్నే లేవగానే రోజువారీ కార్యక్రమాలు ముగించుకున్న తరువాత స్నానాలు చేసుకుంటారు. ప్రతిరోజు స్నానాలు చేయడంతో ఆరోగ్యంగా వుండటమే కాకుండా.. మన అందాన్ని మరింత పెంపొందించుకోవచ్చు. అయితే వాస్తుశాస్త్రం ప్రకారం స్నానం చేసేటప్పుడు... Read more
Apr 28 | సాధారణంగా ప్రతిఒక్కరికి కలలు రావడం సహజమే. కానీ అందులో కొన్ని కలలు శుభం కలిగిస్తాయని, మరికొన్ని కలలు అశుభ కలిగిస్తాయని చెబుతున్నారు జ్యోతిష్య నిపుణులు. ఇవి చిన్నపిల్లల నుంచి పెద్దవారి వరకు ప్రతిఒక్కరికి వస్తుంటాయి.... Read more
Apr 25 | ప్రస్తుతకాలంలో ప్రతిఒక్కరు ప్రతి చిన్న విషయంలో కూడా మానిసక ప్రశాంతతను కోల్పోతున్నారు. ఆర్థికపరంగా సమ్యలు, ఉద్యోగాలు దొరకకపోవడం, విద్యార్థులు సరిగ్గా చదవకపోవడం, నిర్వహించిన పనులు సరిగ్గా జరగకపోవడం, శుభకార్యాలు అస్మాత్తుగా నిలిచిపోవడం, ఆస్తులకు సంబంధించిన... Read more